隨心 (已搬遷) 新店位置

鰂魚涌有間好抵食東南亞菜，$138就可以食到泰國🇹🇭人氣🫶🏻菜式火山骨😋，一共有四條大骨，仲砌到成座山咁🏔️，再加上灑酒火焰🔥🔥 份量多又有視覺享受！火山骨每條都好巨型，要用手撕（餐廳有貼心提供手套🧤），好容易撕開，中間熱到出煙😌，肉質好軟腍，亦帶軟骨及肉脂😋 。醬汁青綠色，清香惹味唔太辣！ 東南亞菜唔少得（無骨）海南雞飯，雞皮薄而爽口，下面有一層晶凝通透嘅膠質，雞肉好嫩滑但唔肥膩。 雞油飯好香唔會太黏，仲伴有湯及小食。 另外再點左一碟炒蘿蔔糕，賣相唔太靚，但每一粒切到bite size ， 香口帶微甜，都幾好味😋