滿福庭

营业中

休息中

姨媽本來約咗我去觀塘鱷魚恤中心滿福庭 飲早茶，但因事改咗去食晚飯，酒樓地方頗大，座位寬敞，燈光明亮。晚飯設有不同優惠，我哋睇中抵食四大孖寶其中一款，京式片皮鴨一隻配豉汁帶子蒸豆腐，只需$288，好抵喎！我哋就要咗一份。京式片皮鴨一隻，落單後侍應將大葱、青瓜、甜麵醬都安排恰當，餅皮蒸籠盛載，吃至最後，仍能保溫。之後將熱辣辣剛燒好的鴨推出來，鴨身脹卜卜，色澤紅潤。在客人面前一片一片的片出嚟。外皮鬆化，每片有皮有肉，吃得出油香，鴨肉尚算嫩滑，肉汁豐富，味道不錯。豉汁帶子蒸豆腐，以豆腐襯托香濃的豉汁，帶出帶子的鮮味，是很完美的配搭。