滿福庭

营业中

休息中

放假朋友相約去觀塘滿福庭飲茶，酒樓位於鱷魚恤中心7樓，酒樓佔地廣闊，座位寬敞，鄰近地鐵站交通方便，早、午、下、茶市供應特價點心，晚市供應晚飯小菜亦有優惠，節日聚會套餐亦有不少選擇。早晨孖寶豉汁排骨肉質軟嫩，帶有濃郁的豆豉香和蒜香。蜜汁叉燒包肉饀香滑有汁。潮州蒸粉果餡料豐富，充滿層次感。香煎蘿蔔糕表面煎出金黃，味道清香。醒神孖寶鳳爪排骨飯：鳳爪夠惹味，排骨肉質鬆化不硬，香甜肉汁滲進軟綿綿的飯內，不用下醬油，已經夠味。蟹籽燒賣皇：餡料是豬肉和鮮蝦混搭，上鋪滿蟹籽，入口彈牙有層次。早晨特點馬蹄牛肉球：嫩滑的牛肉球搭配爽脆的馬蹄，經過蒸製，再配上喼汁，口感豐富味道鮮美。 蜜糖脆麻花：口感香脆鬆化，加上蜜糖味道甜美。月半彎水晶鮮蝦餃王：爽口彈牙的蝦仁餡料，鮮味多汁。韭黃鮮蝦腸：腸粉滑溜，韭黃香襯托著鮮蝦的甜美，十分滋味。四寶雞扎：以腐皮卷著雞柳，火腿，魚肚及冬菇，口感豐富，多汁味美。

在一個放假的美好下午，我在鱷魚恤中心選了一間中式茶樓，決定和家人一同休閑地享受一頓精緻的中式飲茶蟹子燒賣金黃式的外皮包著滿滿的肉餡，面頭還有蟹子點綴，散發出誘人的香氣，每一口都是嫩滑多汁 。古法馬拉糕濃厚古早味的甜點，馬拉糕的質地綿密細膩，帶著濃濃的黑糖味，入口即化，讓人彷彿置身於懷舊的時光中 。百花蒸魚肚魚肚和蝦膠完美結合，魚肚軟滑潔白，味道清淡鲜嫩，蝦膠彈牙，口感層次十分豐富 。月半灣水晶鮮蝦餃皇餃皇餡料鮮美，鮮蝦彈牙，口感爽滑，包着煙靭的皮，一起放入口，非常滿足 。瑤柱灌湯餃大大隻，濃郁的湯汁，皮薄餡香，啖啖肉，連湯一起吃，停不了口紫金名醬豉蒜蒸鳳爪鳳爪肉質鮮嫩，搭配上豉蒜醬的調味，帶來一種香濃的口感。懷舊糯米包非常懷念這個點心，很少地方有得吃，黃色嘅薄皮包着軟軟糯糯嘅糯米，糯米飯中有臘味，增加了鹹香味 。卜卜脆肉鬆腸粉創意十足的點心，腸粉中包着肉鬆，鬆脆並濟、香酥味美 · 鹹中帶甜，垂涎之味 。

放假約咗朋友喺觀塘見面，順便傾下近況。友人想飲茶，帶咗我嚟鱷魚恤中心 7/F 呢間「滿福庭」。內在環境光猛，裝修企理，加上全場無柱設計，嚟呢度擺酒確實一流！揀咗份午市點心超值自選 ($208)，組合包 2 款點心及 2 款精選美食。鮮蝦菜苗餃：外皮晶瑩剔透，入面裹滿彈牙蝦肉同翠綠菜苗，兩者比例啱啱好，入口皮薄餡靚，味道鮮美。蠔皇鮮竹卷：鮮竹卷用料好豐富，內有豬肉、冬菇、竹筍和生菜等，腐皮有豆香，加上吸滿了蠔油芡汁，惹味非常。脆皮燒腩仔：腩仔外皮脆卜卜，脂肪同瘦肉層層相間，肉質鬆化，入口軟腍無渣，配埋芥末醬吃，更添滋味！迷你揚州炒飯：米飯炒飯得夠乾身👍🏻，粒粒分明又有鑊氣，配料有叉燒、蝦仁、蛋花同蔥粒等，分量十足，色香味俱全。再加點咗碟陳皮叉燒酥 (大點)，外皮酥脆，內𥚃叉燒餡軟嫩微甜，配上面頭嘅鹹香陳皮，絕對有畫龍點睛之效。

一大班同事嘅午餐飯聚，通常都會去飲茶，呢個絕對係香港唔少公司嘅潛文化，而且仲誇張到有嗌點心數量嘅方程式攻略添！計我話呢條點心方程式最重要唔係人數或者女同事嘅數量作加減，最重要其實係有無年青人包底呢！喺觀塘嘅滿福庭，呢條點心方程式對我哋嚟講就更加困難，因為餐廳有唔少點心孖寶等優惠，想食嘅點心選擇更多更抵食呢！馬蹄牛肉球爽脆嘅馬蹄增添牛肉嘅彈牙口感，而且牛肉球大大粒，份量十足。排骨陳村粉細滑嘅陳村粉吸收晒排骨嘅精華，鹹香入味。韭黃鮮蝦腸蝦肉大大隻，新鮮又彈牙，腸粉又薄又滑，加上韭黃增添香味，充滿層次。點心拼盤拼盤一粒五件，非常抵食！拼盤內嘅奶黃包係我嘅最愛，咬開就爆出奶黃，鹹蛋香味豐富，邪惡又好味；拼盤嘅優惠價仲有燒賣，蝦肉新鮮彈牙，同樣出色。沙嗲金錢肚去飲茶又點少得金錢肚，牛肚口感軟腍，非常入味。四寶滑雞扎雞扎包住滑溜雞肉、冬菇、火腿同魚肚，雞扎大小適中，非常精緻，重點係唔會好油，而腐竹當然係雞扎嘅靈魂所在。羅漢齋鴨掌鴨掌份量唔少，非常入味，食嘅時候仲有淡淡嘅陳皮味，有層次又有驚喜，還原港式傳統點心嘅味道。伴碟嘅仲有羅漢齋，索晒醬汁同鴨掌嘅精華！叉燒包咬開叉燒包，隨即爆出叉燒，叉燒肥瘦相

週末同朋友去咗觀塘搵間茶樓飲茶，本來以為假期會貴啲，但呢度有個好抵嘅優惠，佢有張優惠紙，上面嘅點心每款都係$19.8，就算係weekend或者假期，都只係加$5，性價比係幾高。四寶滑雞扎雞扎餡料豐富，有魚肚、冬菇、火腿同雞肉，口感層次分明。雞肉嫩滑，冬菇同火腿又增加咗咬口，加上綿滑魚肚，應有嘅都有，整體唔油膩，幾好食。香噴噴流沙包流沙包嘅餡流心效果好出色，撕開個包之後金黃色嘅流沙洶湧而出，鹹蛋黃味亦濃郁，包皮鬆軟，唔會太厚或者乾。排骨陳村粉排骨醃得入味，帶少少蒜香，配埋滑溜溜嘅陳村粉，吸晒排骨嘅肉脂香，很不錯，而且唔多地方有。魚湯鮮竹卷 魚湯清甜，搭配嘅鮮竹卷外皮滑嫩，餡料清新豐富，食落覺得清爽唔會太膩。點心拼盤（蝦餃、燒賣、粉果）三款經典點心，蝦餃皮夠薄，蝦餡彈牙鮮甜；燒賣肉質結實，冇肥膩感；粉果嘅糯米皮煙韌有咬口，而且餡料好足，爽爽脆脆咁。脆蝦紅米腸粉紅米腸粉嘅味道帶淡淡米香，腸粉包住炸得脆卜卜嘅蝦卷，多人叫係有原因嘅。

細個已經鐘意飲茶，觀塘鱷魚恤呢間滿福庭食過兩次，日日都好多人，要預啲時間等位🥢魚湯鮮竹卷清清哋冇咁油膩，魚湯好飲鮮甜，鮮竹卷有甘筍、西芹、肉等等，唔錯🥢點心拼盤有蝦餃、燒賣、粉果，可以食到多啲款，而且計起好似抵食啲🥢香噴噴流沙包堅係流沙，中式包好軟熟，飽肚感十足🥢古法馬拉糕甜甜哋又軟熟，當然好食🤤🥢陳皮叉燒酥個人最鍾意，呢款好好食！好酥化，外面甜甜酸酸，似檸檬味因為有啲檸檬香，入面係叉燒，多汁好食🥢香茜牛肉腸腸粉軟滑，牛肉稔，加埋香茜好夾🥭香芒布甸好耐冇食過茶樓嘅香芒布甸，好有童年回憶，唔算太甜，質地適中，自己幾鐘意🚩滿福庭 (觀塘) 📍觀塘開源道79號鱷魚恤中心7樓

今日放假，和老公來到觀塘的滿福庭吃午飯，順道行行APM。我們約十二時到達，入座後，便點了排骨陳村粉、魚湯鮮竹卷、金蒜蓉蒸元貝，及脆皮燒腩仔。食物水準高，食材新鮮，款式種類亦多，可以食下點心，又可以食下小菜，海鮮生猛，各式其式。～ 排骨陳村粉：排骨肉質嫩滑，而陳村粉充滿米香，蒸後變得細軟，配搭排骨最適合👍🏻～ 魚湯鮮竹卷：魚湯鮮甜，鮮竹卷外層腐皮充滿豆香，配料十足，口感濃郁。～ 金蒜蓉蒸元貝：元貝鮮甜兼大大隻，粉絲吸收了金蒜的精華，伴飯一流。～ 脆皮燒腩仔：外皮卜卜脆，入口充滿油香，非常香口，是伴酒的最佳之選。另外，這裡地方非常大及寛敞，坐得舒服，招呼亦好，飲茶後，又可行下APM，確是觀塘區不二之選啊👍🏻

5月10號 我有親戚訂咗三圍半百日宴，我明白有生意地方係好難遇，冇招呼，食物不能再講，地方窄兩個員工簡直唔係人嚟㗎 講係百日宴嘅，同員工拿水飲不高興，就有小朋友㗎啦， 本身地方已經好窄，兩個員工我哋已經就佢起菜，大不適看環境，但叫了她們小心點，都沒有理會，仲要行埋有bb的地方一上茶， bb爸爸叫住還不理會， 一支鐵羹匙由上拼盤去到單尾，最好笑問她取支牙簽用都不高興， 【現在飲食業 唔係容易做 但係啲員工仲係冇質素嘅說話呢個香港就會冧㗎喇】

星期六，屋企人想去飲茶，睇網上食評，見滿福庭嘅食評唔差，便來試吓食下午茶，星期六唔駛等位，可以直入，大堂裝修寬闊，無柱遮擋，樓底幾高吓，坐得舒適，唔滿客，唔會迫。我地分別叫了鳳爪、蛋散、 叉燒酥、粉果、牛肚、馬拉糕、 魷魚鬚、蓮藕餅……鳳爪味道正常，可惜食落皮唔淋，偏軟身，唔係我鍾意食果種蛋散， 睇落整得唔夠時間，果然食落唔脆口叉燒酥，食落酥皮唔酥脆，味道一般粉果，味道正常牛肚，味道幾好，可惜份量少馬拉糕，味道正常魷魚鬚，味道正常，可惜粉漿太厚，食落唔夠鬆脆蓮藕餅，味道正常，但偏鹹整體來說，環境裝修幾好，服務一般，食物味道一般，而且大部份嘅點心都只係微溫，唔係熱果種，只有茶水真係夠熱

假日同老媽子飲茶，當然由佢揀啦！月半彎水晶蝦餃王蝦餃皮薄餡靚，內裏的鮮蝦爽口彈牙，咬下去瞬間釋放出新鮮的味道。蠔皇叉燒包叉燒包個餡好正，特別係個蠔皇醬，味道醇厚。而且包嘅部份口感鬆軟，整體出色。鮮蝦菜苗餃餃子外皮晶瑩剔透，未食已經垂涎三尺！加上入面有我最鍾意嘅菜苗和鮮蝦，味道鮮美，超鍾意食！古法馬拉糕馬拉糕非常鬆軟，帶有淡淡的甜味，充滿兒時的味道。香蒜牛肉腸腸粉好滑嫩，牛肉鮮嫩，唔錯唔錯！魚湯鮮竹卷個魚湯好正，味道鮮甜，令到鮮竹卷都好清新。整體而言，我地都好鍾意呢間酒樓嘅環境同服務，下次有機會還是會再來。

假期陪媽媽飲茶，選擇在滿福庭位於觀塘鱷魚恤中心好方便。滿福庭多座位，樓底夠高，有水晶吊燈裝飾夠華麗，而且有大電視觀看。點心選擇眾多，又有午市優惠。安蝦咸水角特價之選，熱騰騰上檯，外皮香脆軟糯，美味。百花釀魚肚魚籽蝦膠脆卜卜又彈牙，魚肚如棉花吸收湯汁精華好入味。月半彎水晶鮮蝦餃皇蝦餃皇好巨型，煙韌的蝦餃皮包埋多粒爽口蝦肉。永和鎮鮮竹牛肉球牛肉嫩滑又有芫茜香味法式焦糖燉蛋在酒樓少見的甜品，脆卜卜的焦糖面，燉蛋嫩滑，甜度適中。

朋友極力推介呢間傳統茶樓，點心水準超高！一盅兩件充滿情懷，可以見到日日都超多人，推介以下菜色～ ✨ 鮑汁雞腳雞腳燜到超軟腍，鮑汁濃郁到黐嘴唇～膠質滿滿食完嘴黏黏，骨頭都入味到吮手指，配壺普洱解膩啱晒！ ✨ 月半彎水晶鮮蝦餃皇🦐 皮薄到透光見蝦！蝦肉爽脆彈牙，包咗超大一隻蝦，咬落爆汁鮮甜～水晶皮煙韌唔黏牙，絕對係點心界MVP！ ✨ 蒜茸粉絲蒸元貝❤️ 元貝大隻厚肉，蒸得啱啱好保留咗鮮甜海味！蒜茸香氣撲鼻，粉絲吸晒精華汁液，入口滑溜又惹味，海鮮控必試！ ✨ 半肥不瘦叉燒腸腸粉皮薄滑溜，叉燒肥瘦比例完美～蜜汁香甜滲透米漿，加埋豉油微微鹹香，一啖接一啖停唔到口！

京式片皮鴨：皮薄而脆，鴨肉形成鮮明對比，每一口都能享受美味的層次感。搭配甜麵醬和蔥絲捲入薄餅中，味道更是絕佳。黃金大蝦球：色澤金黃，外皮香脆，蝦肉鮮嫩彈牙。外皮酥脆，又不會讓蝦肉過熟。鮮黑毛豬咕嚕肉：這道咕嚕肉選用鮮黑毛豬肉，酸甜的醬汁完美地包裹住每一塊肉，可能是瘦肉的關係，肉質較硬。西蘭花炒帶子：西蘭花翠綠爽口，帶子嫩口，但鮮味一般，份量也較少，價錢稍貴。蟹粉豆腐煲：蟹粉豆腐煲的豆腐細膩滑嫩，但蟹粉的味道稍嫌淡薄，未能完全展現蟹粉的鮮美。整體口感雖然不錯，但如果能加強蟹粉的味道，會更能提升這道菜的層次。

春節期間電話book位，阿姐未講完就掛線，態度超級差！只是問新年期間收費同訂臺，唔夠20秒就收線。即刻選擇其他店，反正鱷魚恤APM咁多間酒樓，唔係得你們一間，大新年就掛線👍

滿褔庭月半彎水晶鮮蝦餃皇水晶鮮蝦餃皇外皮晶瑩透亮，薄度剛剛好，鮮蝦肥美鮮甜，非常足料，係點心中嘅經典之選。鳳城薑汁雙皮奶薑汁雙皮奶口感順滑，奶香濃郁，搭配薑汁嘅微微辣味，增添一層獨特嘅風味。甜而不膩，十分滋味，令人忍唔住一口接一口。瑤柱貴妃雞飯瑤柱貴妃雞飯雞肉嫩滑，仲要係雞髀。配合薑蓉，令米飯吸收咗雞肉同調味料嘅精華，有冇喜歡嘅地方份外開胃，香氣四溢。韮黃鮮蝦腸韮黃鮮蝦腸外皮薄透，裡面嘅鮮蝦同韮黃搭配得宜。韮黃帶清香提升咗整道菜嘅風味，加上甜豉油提味，絕對係飲茶嘅必點之選。早晨孖寶特惠早晨孖寶包含咗流沙包同杞子桂花糕。香噴噴嘅流沙包內餡濃郁，咬落去即時沙流四溢，要小心翼翼，同時非常享受。杞子桂花糕清甜可口，口感滑嫩，清涼感覺令人舒服。豐富嘅杞子，特別滋潤養眼。