鳥海山鐵板燒 (已搬遷) 新店位置

收工同女朋友喺附近睇完戲 諗住返屋企自己煮食但去巴士站時經過依間鐵板燒 平時經過都唔太顯眼 所以一直都冇發現。食鐵板燒本身預咗貴 但埋到去睇發現其實唔算貴 同埋都有上離睇下食評 但唔多 有好有唔好 不過口講冇用 食過先知我叫咗個龍蝦二人餐 當然有龍蝦啦 重有雪魚 牛簿燒 刺身 炒飯 炒菜 啲嘢食唔會太鹹但又唔會太淡 岩岩好適中 刺身食落有口感 夠鮮甜 牛簿燒係最鍾意食 本身已經好鍾意食牛 咬落好香嘅牛味 我唔太識形容嗰種感覺 但真係好正炒飯粒粒分明唔會糊埋一齊炒菜其實一開頭都冇諗住係點樣 自己又好驚菜嗰種草青味覺得應該都係一樣 本身話唔洗要 但師父話試咗先都冇壞 咁反正女朋友都會食菜真係唔岩比埋佢食都得 我食完只有好少嘅草青味 令我覺得好有驚喜 本身落單時諗住叫多啲嘢食 但侍應話食完唔夠先再加唔洗咁急決定 但食完發現真係好飽 覺得員工都好細心又好好傾又有禮貌