八幡屋日本料理 (已結業)

起碼成日半年冇出過旺角！今日去開戲，就順便食個飯。兆萬中心不嬲都係搵食聖地，大量放題任君選擇，一於試下高人氣嘅八幡屋！七點幾嚟到已經幾乎滿座，係門口等咗一陣就入得喇。假期前夕就 $208，我哋仲加咗 $40 升級添。（見佢升級都幾吸引）升級就有多幾隻貴價刺身食，仲有我最愛嘅甜蝦同生蠔！！幾乎樣樣升級都叫晒咁濟，呢40蚊都抵加嘅！升級仲有和牛壽司，同行朋友係食肉獸，呢個就最啱佢心水。油甘魚刺身、珍寶帆立貝、赤蝦、生蠔！！好味，由其是隻蝦勁大隻，生蠔佢加咗少少豉油吊味，夠新鮮！基本上我淨係食帆立貝、赤蝦、生蠔都夠返本呵呵呵。就算普通刺身都相當出色，三文魚好肥美啊～不過普通同升級嘅甜蝦都幾大分別架，所以升級抵食！講完好味嘅刺身，又講下放題必食嘅燒物炸物。八幡屋嘅燒物都做得唔錯，仲要好快就黎！雞軟骨就普通野啦，但有個薯絲蝦好好味！薯仔好淋，同隻蝦又幾match喎！仲有燒秋葵，唔係度度有得食架！一般食放題都好少食壽司，費事撐飽晒呀嘛！不過見到隔離枱嘅壽司手卷好似好正，所以都嗌咗少少。海膽唔腥，紫菜亦脆，好味。火炙壽司亦係我嘅最愛！三文魚腩同左口魚邊就最正，始終都要夠油脂先好味！不過食到呢度就畀我