Thai Basil (已搬遷) 新店位置

難得中秋節假期呢間都有得折，咁過海都要嚟食啦。我哋六點幾就嚟到唔使等位，但之後呢就見到要排隊啦，睇下個menu都幾多嘢食價錢都合理唔係十分貴，我見到佢嗰個咖哩牛肋骨嗰張相好靚於是就叫黎試下，實物冇張相咁靚但係牛肋骨都幾淋幾好味，我哋叫咗兩塊薄餅呢點啲咖哩汁，薄餅都唔錯，我仲叫咗半份蝦餅，柚子沙律同埋一個炒泰式炒河，柚子沙律好大碟好多柚子好好味，泰式炒河普通啦比較細碟，蝦餅都好味，信用卡折咗都係三百蚊，下次一定會再嚟食，想試埋豬頸肉同串燒。