茶木‧台式休閒餐廳 (已結業)

今日上晝冇返工，同阿仔食埋午餐先走，想食啲有湯嘅嘢，就去咗屋企對面嘅茶木。簡簡單單叫過紅燒牛肉湯麵，鍾意佢個湯夠濃郁，紅燒牛肉炆得夠林，好入味，仲有幾舊蘿蔔，我會改陪新竹米粉，我最鍾意佢個湯味精唔多，飲多幾啖都唔會好口喝。今日我哋貪心啲要左個甜品，草莓多士，我第一次喺呢度食honey toast，阿仔就食過好多次，出乎我意料之外，個麵包覺得好鬆脆，分量亦都好大，中間嘅麵包好鬆軟，出邊嘅麵包皮覺得啱啱好，食入口唔會乾，仲有水果，雪糕。不過份量真係太大，要好有胃口先好叫。