小麻吉滷肉飯 (已結業)

之前去大埔游水，經過呢間台式滷肉飯餐廳，見門口好多人排隊。今日趁住黎開大埔中心附近做嘢，就嚟試下啦。因為係平日嘅關係，餐廳人流較少，唔需要等位就有得食。每張檯都貼有"小麻吉"嘅介紹，令客人更了解舖名來源。下午茶只係需要27蚊，包一款主食，三款小食及飲品，相當抵食。今日叫咗小碗滷肉飯，滷肉肥瘦適中，味道好濃，汁亦足夠，唔駛驚食到最後飯會無晒汁。好喜歡木碗嘅設計，每隻碗都刻咗餐廳名，非常精緻。小食揀咗鹽酥雞，炸花枝丸及小香腸，鹽酥雞雞肉嫩滑，略嫌外層唔夠脆，炸花枝丸爽口彈牙，小香腸夠多肉汁，都幾有風味。飲品加5蚊可以轉台式飲品，叫咗杯珍珠咖啡，咖啡味香濃唔太甜，珍珠唔係太夠咬口，有改進空間。總括黎講，呢間台式小店風味十足，價錢亦非常超值，值得再來幫襯。