潮福蒸氣石鍋 (已結業)

今次黎到旺角食放題,無錯,係蒸氣海鮮版放題,真係非常之吸引,相信大家都知食餐好既蒸氣海鮮,郁下手都要5-8百落樓,而呢間酒家唔洗咁費之餘,仲要係放題,真係抵到爛,當然抵食係好,味道都非常重要,黎到由於未係晚市高峰期,好快就有位食得,大致食法係咁,店家提供一次性4款海鮮,頭盤同其他野食,另外有其他如啤酒汽水無限量供應,先黎係頭盤,係特色中湯同乳鴿,湯好夠火喉,配埋隻非常肉嫩既乳鴿做頭盤真係無得輸.再黎就係貝穀拼盤,蒸完出黎非常多汁鮮甜,仲有其他款海鮮,開半龍蝦,帶子,鮑魚,仲有扇貝,真係非常豪華既海鮮盛宴,食到呢到大家可能會飽飽地,又或者唔夠食?唔緊要,因為陸續有黎,我地就開始叫任點既配料啦安格斯牛繼續上菜,蒸出黎又唔係同日式燒肉個食法差好多,好原汁原味,其他仲有各款手打肉丸,各類時蔬,荷業飯,蒸雞,仲有小弟至愛馬拉糕,最後就當然要食埋個集結哂所有精華既弼底啦,又抵又多野食,真係非常推介