雲家小鍋米線 (328廣場)

营业中

休息中

豬排小鍋米線($40)+腩肉($9)+豬大腸($9)豬扒原塊切件另上，唔會浸到淋晒，豬大腸煙韌有嚼勁，第一次食保守啲，湯底只係揀咗酸辣小辣，結果唔夠辣，譚仔我食開三小辣重慶酸辣粉($28)+魚腐($8)+魚肉春卷($8)餸份量都幾多下，薯粉滑溜有彈性，湯底酸味較出，鐘意食辣嘅朋友至少要揀中辣呢另外仲嗌咗個小食，秘製豬頸肉($42)好爽滑彈牙，再燒耐少少焦香味會更出呢度仲有串燒食，不過款式唔多，肉有牛羊雞，蔬菜有韮菜、四季豆同蒜心，我地試咗牛肉($16)同韮菜($10)，兩款串燒都燒得啱啱好，唔會太乾身，孜然好惹味