Sueno (已結業)

同同事是日諗住食好啲，就諗住lunch食西餐，跟住行行下見到呢一間西班牙菜，以為舖頭好細，點知原來仲有上面一層嘅。十二點半左右去到好彩唔使等位，就可以即刻食。午餐其實都幾抵，一百頭左右已經包沙律、主菜及飲品。我就叫咗魚嚟食，魚個皮煎得好香脆，而且啲肉夠淋，個魚調味得好好，仲有其他配菜，非常不錯！跟餐沙律大大分，而且啲菜都好新鮮。餐廳樓上層景非常闊落，坐得幾舒服。不過就稍為係食物上得比較慢，就要耐心等候。