鮨石 (已結業)

尖沙咀抵食午市江戶前壽司廚師發辦🥸小店只有10個吧枱位，裝修係日式山系風格～服務親切，而且坐得好舒適🫶午市岩套餐 $580 起，已經有前菜、茶碗蒸、一品料理、壽司十貫、止椀麵豉湯同埋甜品，食到最後真係好飽😆前菜香魚配無花果配豆腐非常特別，香魚可以成條連埋骨食好香脆，無花果豆腐甜甜地好開胃。跟住就有超滑嘅茶碗蒸，然後就到主菜壽司啦🍣以金魚鯛淡淡的魚味為序幕，然後有彈牙嘅赤貝配柚子皮，鹽燒和歌山太刀魚唔會太鹹，少少鹽味調出魚嘅鮮味。宮崎縣鯖魚加上蔥花姜昆布非常有特色。我最鍾意係銀鱈魚BB三片薄切，油脂感十足。當然唔少得大拖羅，用紫蘇葉包住冇咁肥膩，加上海鹽比起一般食到嘅拖羅更有咬口。最後仲有超期待嘅海膽，師傅灑上薄切鹽好似落雪咁靚😆