緣味烤肉店 (已結業)

呢間食店位置比較隱蔽😶‍🌫️，唔係經過見到個易拉架都會miss咗，假日嚟到可能過咗午巿，所以冇乜人，店員安排卡位比我哋，食店地方唔大，景觀開揚，咦! 我做乜地產sales上身👥️，望下有咩嘢食先，有假日午巿套餐噃，價錢幾十蚊有起交易，仲要唔收加一，附近好多食店冇假日set lunch，加埋一要成嚿幾水落樓，依家巿道不景，真係慳得一蚊得一蚊💰，我哋點咗兩個set，板燒牛板腱，咁樣烤肉都係第一次，肉質不錯，套餐包咗沙律、味噌湯、白飯(可配多汁或少汁)，份量對男士嚟講可能未必夠，另外一個係燒汁肥牛便當，$58咁平本來冇乜期望，估唔到D肥🐮唔係cheap嘢，唔嚡之餘仲幾軟腍，分量又多，要彈嘅係個汁偏咸咗D，如減鹽同加入木魚汁個味道會更突出些