影片
更多
2016-06-09
1993 浏览
今次放題既目標好明確—就係食盡升級放題!!!加50蚊就可以食到生蠔、和牛壽司、同埋赤蝦、珍寶帶子刺身!!!!真係極度吸引，之前上網睇食評既時侯，已經心郁郁好想食一坐低，就急急手填單，食物都上得好快，話咁快，我既生蠔就黎到我面前。生蠔睇圖就見到有幾肥美，而配上酸酸甜甜既醬汁，都無蓋過蠔既鮮味，反而幫佢增添風味。而長腳棒、炙燒三文魚壽司都唔差，腳棒甜，而三文魚處於半熟之間，口感半溶，一直都係我首選壽司。呢到飲品竟然有冰紅茶提供，同埋MOUNTAIN DEW。MOUNTAIN DEW個名好陌生，但抱住對食物勇於嘗試既態度，就點左佢，佢原來係檸檬茶口味。講完飲品，又要返返黎主題拉，就係我既赤蝦同帶子珍寶帶子，聽個名都知係大，厚身咬落仲更有質感。而赤蝦入口鮮甜，都係上品。而炸物每一粒都係脹卜卜，炸得岩岩好，香口但又唔會太燶。吉烈炸蠔一咬開，就有蠔汁流出黎，正呀。蝦幾彈牙，而蕃薯有淡淡甜味，炸日式餃子就不過不失。都係放題必食之品。升級之選仲有椒鹽炸蟹仔，新鮮炸出黎，仲係熱辣辣。香口野加上椒鹽特別既咸香，真係想飲返杯啤酒，啤啤佢。(呢到有冷、熱清酒可點，不過我就未去到呢個LEVEL。)日式味噌炒蜆同
加50蚊就可以食到生蠔、和牛壽司、同埋赤蝦、珍寶帶子刺身!!!!真係極度吸引，之前上網睇食評既時侯，已經心郁郁好想食一坐低，就急急手填單，食物都上得好快，話咁快，我既生蠔就黎到我面前。
生蠔睇圖就見到有幾肥美，而配上酸酸甜甜既醬汁，都無蓋過蠔既鮮味，反而幫佢增添風味。而長腳棒、炙燒三文魚壽司都唔差，腳棒甜，而三文魚處於半熟之間，口感半溶，一直都係我首選壽司。
呢到飲品竟然有冰紅茶提供，同埋MOUNTAIN DEW。MOUNTAIN DEW個名好陌生，但抱住對食物勇於嘗試既態度，就點左佢，佢原來係檸檬茶口味。講完飲品，又要返返黎主題拉，就係我既赤蝦同帶子
珍寶帶子，聽個名都知係大，厚身咬落仲更有質感。而赤蝦入口鮮甜，都係上品。
而炸物每一粒都係脹卜卜，炸得岩岩好，香口但又唔會太燶。
吉烈炸蠔一咬開，就有蠔汁流出黎，正呀。蝦幾彈牙，而蕃薯有淡淡甜味，炸日式餃子就不過不失。都係放題必食之品。
升級之選仲有椒鹽炸蟹仔，新鮮炸出黎，仲係熱辣辣。
香口野加上椒鹽特別既咸香，真係想飲返杯啤酒，啤啤佢。(呢到有冷、熱清酒可點，不過我就未去到呢個LEVEL。)日式味噌炒蜆同埋韓風湯餃子，份量唔多，可以黎拎做小食。
餃子味道同湯底都幾似韓國餐廳既味道，只差在個皮。如果皮再軟身D，就真係似到十足十。食到飽飽，臨走之際就叫埋甜品。
雪米糍有綠茶、荔枝口味，細細粒又有軟糯既口感。泡芺有原味同朱古力味，兩者都好好食。泡芺內部蘊藏飽滿既CREAM，真係會o必出黎，食第2舊既時候，就乾脆成舊放落口，好滿足。
张贴
