麻神麻辣火鍋 (已結業)

今日下晝好想打邊爐，突然記得麻神旺角有，咁咪落旺角，但唔知點解開飯寫佢開5點... 都幾驚佢冇午餐！落到去好在有，但應該冇咩人知，只有小貓三四隻！我地有卡位坐，每人都有一個爐 👍🏻 個餐好多野食，堅抵！野飲我地叫左烏龍茶，原來係一壺，台灣既茶好好味，大愛 👍🏻我地都叫左麻辣鍋，入面冇鴨血，要另外點，黎到冇理由唔叫！湯底當然同夜晚一樣啦！我地滾左之後都有飲左湯 👍🏻牛肉餐，有牛肉，大量菌同菜，好正！我地跟餃子同烏冬 🥰🥰另一個係豬肉就跟丸同烏冬，兩個餐都勁飽！鴨血就$22/件，一定要食 👍🏻👍🏻 太正喇！