影片
更多
2017-04-23
449 浏览
事緣之前係FB見到阿BOB賣廣告，仲有隻歌仔唱，所以先知道有間海鮮火鍋係尖沙咀，睇下留言好似唔錯，所以特登收工過黎約埋班FD黎試下間野原來係二樓，入到都幾企理，白雪雪乾乾淨淨，8點幾鐘都差唔多一半場爆左人，好彩一早book定檯收工好肚餓既我地坐低拿拿林睇下有咩食，嘩，睇到最頭個湯底要成369，但係見到寫左推介，成班FD都話搏一搏試下呢個金湯腿翅鍋黎到店員教路可以試一試個湯，飲落原來幾好飲，而且原來入面好足料！雞肉好嫩滑，成個湯都好多翅，味道冇咩味精，應該係真材實料滾左好耐，所以係未落料打邊爐之前我地都飲多幾碗我地成班牛魔王，叫左碟(大)頂級本地手切肥牛，色水好靚，花紋都好均一，最緊要係食落牛肉味香而滑，落一落湯幾秒就食得，唔洗淥咁熟。成碟冇耐就比人清哂，如果係老牛就冇人吼啦花樣油炸鬼係店員推介，話係有D蟹籽加蝦膠釀落個油炸鬼到，淥分幾兩分鐘就食得！食落去都幾得意，平時係火鍋店都未見過呢味野，有D蝦膠肉，而且淥完D油炸鬼仲有口感，唔知係點做？平時食粥浸一浸油炸鬼都林哂一劈野，所以我都唔清楚係咩原理，但總之就好食我地仲叫左D青荀，少少地都要食D菜既。出面又係未見過有青荀叫，唔知係咪我打邊爐
事緣之前係FB見到阿BOB賣廣告，仲有隻歌仔唱，所以先知道有間海鮮火鍋係尖沙咀，睇下留言好似唔錯，所以特登收工過黎約埋班FD黎試下
間野原來係二樓，入到都幾企理，白雪雪乾乾淨淨，8點幾鐘都差唔多一半場爆左人，好彩一早book定檯
收工好肚餓既我地坐低拿拿林睇下有咩食，嘩，睇到最頭個湯底要成369，但係見到寫左推介，成班FD都話搏一搏試下呢個金湯腿翅鍋
黎到店員教路可以試一試個湯，飲落原來幾好飲，而且原來入面好足料！雞肉好嫩滑，成個湯都好多翅，味道冇咩味精，應該係真材實料滾左好耐，所以係未落料打邊爐之前我地都飲多幾碗
我地成班牛魔王，叫左碟(大)頂級本地手切肥牛，色水好靚，花紋都好均一，最緊要係食落牛肉味香而滑，落一落湯幾秒就食得，唔洗淥咁熟。成碟冇耐就比人清哂，如果係老牛就冇人吼啦
花樣油炸鬼係店員推介，話係有D蟹籽加蝦膠釀落個油炸鬼到，淥分幾兩分鐘就食得！食落去都幾得意，平時係火鍋店都未見過呢味野，有D蝦膠肉，而且淥完D油炸鬼仲有口感，唔知係點做？平時食粥浸一浸油炸鬼都林哂一劈野，所以我都唔清楚係咩原理，但總之就好食
我地仲叫左D青荀，少少地都要食D菜既。出面又係未見過有青荀叫，唔知係咪我打邊爐打得少？D荀幾新鮮幾爽甜，草青味反而比想像中少，可以甚至話冇乜草青味，淥一淥，熟左就林林地，都幾得意
仲有一個叫做女王粉，好彈牙煙韌，感覺好似糯米粉做，淥完帶點晶瑩剔透，同埋都索地少少湯底味，不過就要有番咁上下牙力先食到，因為都幾有趙口
我地仲叫左兩渣野飲，一個係紫貝天葵，一個係薏米水，兩個都好好飲，一個滋潤，一個清熱，睇你鍾意邊個多D囉
食完感覺個湯底係超值！雖然單睇個價錢可能覺得「有冇值咁既價錢啊？」，但食過先知原來呢個價錢食到呢個水準真係絕對不錯，夾多幾個人黎食就攤平哂價錢，下次會再黎食，推介下比D朋友，好野緊係要宣傳下~
张贴
