TW Coffee Concept (已結業)

之前同幾個朋友一齊食過佢地既晚餐，大家都覺得幾好食，環境又適合同朋友係度吹下水，hea 下。所以今次再同朋友食飯，就來返TW Coffee Concept。重臨Cafe ，原來佢地轉左新Menu，侍應話今次個menu 係做義大利菜，仲強烈介紹麵餃(Gnocchi) 俾我地，話係好傳統義大利既菜式，仲要係home-made。其實我們唔太知咩叫麵餃，但見侍應大力推介，我們就叫左個dinner set - 帕馬火腿芝士麵餃，另外就叫左個鮮蝦紫蘇葉蕃茄天使麵和Cappuccino。先講麵餃， 開頭望落去似一舊普通粉糰，大家都冇咩祈望，點知食左一舊之後就完全改觀，麵餃煙煙韌韌，好有芝士味，加埋d 汁同Parma Ham，超好食，仲好飽肚tim。另外，個天使麵都好ok，麵唔會過淋，d 蝦又唔會霉，最好都係d 蕃茄汁，個汁裏面有蕃茄蓉，唔怪得之個侍應上菜時要專登介紹個蕃茄汁係用義大利去皮蕃茄打成。聽個侍應講Cappuccino 加左埃塞俄比亞咖啡豆，咖啡味會比以前再濃厚。我覺得咖啡味真係濃左，而且仲香左tim。今次再黎，可以$300 蚊享受一餐義大利菜，以後想食義大利餐又有一個新地方lu~~~