影片
更多
2021-06-30
26 浏览
我好日都唔會去行街市，但係咁啱今日早左放工，就打算去街市買餸煮飯啦～ 經過保安道街市見到附近有一間好似新開嘅燒味舖，鋪面光猛搶眼，而且見到都有唔少人排緊隊幫襯！於是我就OpenRice search下啦～原來呢一間「燒味滷師」全港有四間分店，整體嘅評分都相當高！行到埋去其實都見到有唔少街坊捧場客，長期都有五六個街坊等緊斬料返屋企～櫥窗入邊掛滿咗燒鵝燒肉滷水鴨白切雞等等，入邊有三個師傅手起刀落咁斬到冇停手，講真真係幾好生意嘅～ 喺我等緊嘅時候，咁啱見到兩隻燒鵝新鮮出爐上架，見啲鵝油係咁滴，隻鵝又燒到脹卜卜，個皮又勁有光澤勁脆咁款，睇到我流晒口水🤤 咁都證明到啲燒鵝係新鮮製造嘅～最後我都係決定喺街市買少少菜算啦，今晚就斬料返屋企做餸啦😅 我嗌咗半斤叉燒、半隻燒鵝（可惜唔係我啱啱見到新鮮上架嗰隻）、同埋半隻麻辣手撕雞！呢三樣嘢加埋都係$290，份量仲要多得好誇張，真心抵食嘅！拎到返屋企其實都仲係微暖嘅，不過我哋冇咁早食飯！雖然臨食飯之前要拎入微波爐叮翻熱，但係都無影響味道嘅～主要係燒鵝皮冇啱啱斬起嗰陣咁脆（不過呢樣嘢都好難避免，除非係即燒即斬即食架姐😅）首先嗰個手撕雞我揀咗麻辣味，本身雞味濃
行到埋去其實都見到有唔少街坊捧場客，長期都有五六個街坊等緊斬料返屋企～
櫥窗入邊掛滿咗燒鵝燒肉滷水鴨白切雞等等，入邊有三個師傅手起刀落咁斬到冇停手，講真真係幾好生意嘅～ 喺我等緊嘅時候，咁啱見到兩隻燒鵝新鮮出爐上架，見啲鵝油係咁滴，隻鵝又燒到脹卜卜，個皮又勁有光澤勁脆咁款，睇到我流晒口水🤤 咁都證明到啲燒鵝係新鮮製造嘅～
最後我都係決定喺街市買少少菜算啦，今晚就斬料返屋企做餸啦😅 我嗌咗半斤叉燒、半隻燒鵝（可惜唔係我啱啱見到新鮮上架嗰隻）、同埋半隻麻辣手撕雞！
呢三樣嘢加埋都係$290，份量仲要多得好誇張，真心抵食嘅！拎到返屋企其實都仲係微暖嘅，不過我哋冇咁早食飯！雖然臨食飯之前要拎入微波爐叮翻熱，但係都無影響味道嘅～主要係燒鵝皮冇啱啱斬起嗰陣咁脆（不過呢樣嘢都好難避免，除非係即燒即斬即食架姐😅）
首先嗰個手撕雞我揀咗麻辣味，本身雞味濃，調味亦都足夠，而且雞肉嫩滑，雞皮都有彈性～如果再辣啲就更好！另外呢半隻手撕雞嘅雞骨有保留鋪喺底，鍾意損骨嘅我就啱晒啦😋
到個叉燒，叉燒係比較瘦身嘅，但都有幾舊半肥瘦嘅！雖然個叉燒係瘦啲但係食落又唔會話好柴， 都有保持到少少肉汁，點一點盒底嘅叉燒汁，食落幾香甜都唔錯！
最後就係嗰半隻至尊燒鵝～估唔到佢斬埋個鵝頭俾我（雖然我唔食）😅 個燒鵝味道濃郁，雖然個鵝皮淋左係有少少美中不足，但係食落依然有好香嘅油脂香味！另外師傅刀功了得，每一件都斬到大小適中均勻，唔會碎濕濕咁樣，有啖啖肉嘅快感！
整體來講呢一間「燒味滷師」係高CP之選，唔怪得有咁多街坊幫襯佢～ 以後放工諗唔到煮咩餸都可以過嚟斬啲料返屋企～
张贴
