日本野 (已結業)

相信唔少人都食過東京人氣石燒吉列牛，香港都有呀！唔洗搭飛機去食，質素都唔錯架！呢個石燒吉列霜降牛小排定食$178包麵豉湯、飲品同白飯，白飯灑上飯素，醬油1款，調味有3款，最重要係牛肉脂肪比例幾平均，燒熟之後沾少少醬，牛肉味濃厚，加上醬汁送飯真係超美味！食日本料理總係心癢癢想食下魚生刺身，叫左客蔥吞拿魚三文魚籽丼$128真心驚喜，吞拿魚蓉同三文魚子堆到座山咁，好鮮味，每啖飯都非常豐富兼滿足！好香炭燒味！望下原來係其它枱嘅燒粟米傳黎嘅香味，我又叫半條炭燒粟米$18食下，又真係炭燒同牛油味好重，香到震！食咁多肉都要食下菜清下腸胃嘅，蟹子沙律$68，和風炒野菜$58，一冷一熱，一款惹味多種菜類，一款就大量蟹子同青瓜絲，夠清新爽口！食哂咁多野都係$500有找，超抵！所以等位嘅人都唔少，要好似我咁提早訂枱穩陣。