金泰子泰國餐廳 (已結業)

最近天時轉季，口味也要轉季，專想吃一d重口味的食物。今日午餐就同同事來試呢間泰國菜館，睇睇菜單，最平39蚊就有一個午餐啦，仲唔係抵食之選~熱愛冬蔭功的我揀咗個冬蔭功湯河（可轉金邊粉）配豬頸肉，酸酸辣辣刺激味蕾，而且分量頗多。同事要清淡就試咗全場最抵食的泰式湯河配豬扒。再有一位同事就揀咗香葉肉碎飯加蛋。全部都有樣有實際噶，仲附送例湯添~雖然多數例湯正常都可有可無，但還可以加5蚊就可以飲椰汁冰、龍眼冰等泰式特飲，我揀咗椰汁冰，味道就同兒時在內地飲過的椰樹牌椰子汁好相似，夠濃郁。另外仲可以加25蚊加多個小食。3份午餐3杯特飲仲要多1份小食，埋單都系184！都算係午餐抵食之選了！