影片
港铁佐敦站 D 出口, 步行约3分钟
继续阅读
开饭介绍
地方宽敞舒适，正宗经典泰菜一应俱全。泰式海南鸡饭，肉质嫩滑；油饭味道香浓。另一人气选择－椰汁鸡汤，甜辣交替，配料充足。现更接受预订到会美食
继续阅读
营业时间
星期一至日
11:00 - 23:00
以上资料只供参考，请与餐厅确认详情
短时间内食咗呢间嘢四次，因为真系好好味，净系讲个冬阴功汤，已经冇得输。好多地方嘅冬阴功都唔好饮，一系唔够酸，一系咸到苦，真系咸到苦，一系就硬系争紧啲唔系𠮶阵味。但，呢度饮一啖已经停唔到口，真系惹味香口嘅冬阴功，系泰国饮到嘅味道，好感动。对比之下，椰子鸡汤就显得普普通通，可以不叫。然后就系串烧，啲肉有，又巨又厚，猪颈肉、司华力肠，超级好食，墨丸连蜜糖都烧得香香的好好味。炒金边粉酸酸甜甜，又大碟，真系冇得弹，好食过好多商场入面嘅餐厅，真系有泰国味。木瓜沙律就辣咗啲，如果冇咁辣就完美。甜品食咗西米糕，中间有粒粟米好得意，但系一碟有好多粒，食唔晒好大嘥。另外仲叫咗芒果糯米饭，超～好～食～以为自己喺泰国～
继续阅读
香港又失去一间本土人经营的良心餐厅，平民价，就食到美味的泰菜，听老板讲，经济太差，佐敦舖是最后一晚，需要结业真的好可惜，老板好好人，请我们食西米糕重同我们讲：得闲可去太子/铜锣湾分店，放心我们一定支持
继续阅读
同朋友庆祝生日去食下泰国菜，见都好多食评就谂住试下。当日星期五晚，已book枱，但入面都劲多位，不过位置其实都系佐敦站附近ok两个人食就唔谂住叫饭或粉，所以叫左我地最爱既冬荫公汤，马拉盏通菜，鸡脚，黄咖哩牛筋腩配个法式蒜蓉包，饱到上心口，仲话谂住食埋个芒果糯米饭添1）冬荫公汤 - 比较creamy，感觉好有奶味，味道是不错的，不过唔辣，都系我喜欢既汤。2）泰式鸡脚 - 好食，正常，无咩惊喜，系预期的味道，个人觉得愈食愈辣，喜欢辣既可以试。3）马拉盏通菜 - 呢碟就十分普通喇，正确啲讲，系好无马拉盏个啲风味同味道，不过都可以食既！4）黄咖哩牛筋腩 - 哗，好多汁呀，应该咁讲...... 系好多汤呀味道ok，但感觉好多配料，牛筋腩切得比较细粒，无数过几多旧，不多也不小。但真系好水.....配个蒜蓉包都唔挂汁唔索汁的。最后环境挺好的，由7点几坐到9点几都无收过枱上既野同无理过我地绝对系聚餐好地方
继续阅读
今日去左探朋友，朋友住系佐敦，附近真系超多美食，朋友推介呢个泰国餐厅，味道唔差，价钱仲好抵。泰式海南鸡饭海南鸡嫩滑，油饭好香，酱汁不是一般的泰式辣酱，应该是自家制酱汁，非常惹味。泰式炒金边粉 (蟹肉/虾/猪颈肉/猪扒)配料选了猪颈肉，猪颈肉超级爽，金边粉炒得香口而且干身。迷你拼盘 (虾饼、鱼饼、春卷、猪肉丸、选3款，每款2件)选了虾饼、鱼饼和春卷，虾饼外皮脆得来入面既虾肉弹牙，鱼饼煎得很香，春卷亦炸得非常松脆，炒芥兰 (咸鱼/马拉盏/蒜蓉/虾酱/飞天) 芥兰鲜甜，用蒜蓉炒唔会太油。
继续阅读
听讲呢间泰国野几好食，所以就决定黎试吓佢嘅lunch。喺门口见到佢个外卖纸写住海南鸡饭$52 ，就谂住试吓食啦，嗌埋热奶茶加$3，谂住$55啱啱好，点知个男店员话摆喺出边𠮶个餐牌系旧嘅，午餐都加咗价好耐㗎啦。于是我就问，唔加奶茶系咪$55，佢就黑晒面咁样，叹口气之后话$56，因为外卖要加一蚊。其实我都系唔想唱散子，所以先问多一句，我觉得佢嘅态度可以好少少。不过，海南鸡饭嘅卖相好靓，份量好多，而且超级好食。大约有十件鸡再加一只鸡翼，鸡肉好滑有肉汁，好好食。油饭都好香，唔会太油或者好滞，真系食到停唔到口。佢配嘅汤系莲藕汤，好足料，有好多旧莲藕系入面，饮落好清甜。个人认为佢嘅嘢食真系好好食，不过服务态度就一般般。
继续阅读