莆田 (美麗華廣場2期) (已結業)

星期六尖沙咀下午做完瑜伽，又未夠鐘到下場活動，想搵個地方舒服游閒食個下午茶。美麗華附近，一諗就諗起我都幾喜歡的莆田。兩點半去到，在reception 飲返杯羅漢果茶先。不需要等位，餐廳七成滿。叫左下午茶餐，有水晶豬蹄凍，蝦苗拌紫菜，興化炒米粉，附甜品。豬蹄凍有好多粒，紫菜酸酸地好開胃。興化炒米粉是每次必點的。米粉好幼，炒得好爽，好味！ 餸的份量十足。甜品是雪耳糖水，正常喇，始終雪耳糖水唔係我杯茶。茶水是我喜歡的菊花。以上下午茶餐都只是$48, 免加一茶錢，真係好抵食！ 有下次！