荷里活冰室 (御皇臺)

营业中

休息中

今日成班同事要一齊OT ，趁六點之前仲可以叫下午茶餐，五個同事即刻落單。全部餐都係$44好鬼抵食，仲要配埋飲品。我哋叫咗咖喱牛腩飯，牛腩份量偏小，咖喱汁OK，白飯份量超級多.瑞士汁乾炒牛河，瑞士汁好惹味牛肉好淋，牛河炒得唔錯.日式鰻魚炒飯, 配料鰻魚好少，其餘冇咩配料，炒飯比較失望。鮮魚湯蠔仔肉碎泡飯，呢個泡飯我最期待, 鮮魚湯底唔錯, 蠔仔份量亦都多, 呢個泡飯最好味。芝士焗豬扒飯，豬扒飯份量好多，仲要係炒飯底，不過豬扒唔夠淋，豬扒飯不過不失。