影片
更多
2012-07-23
238 浏览
應該從可說起呢！其實個日無咩特別，見到收工後無野好做，咪搵下朋友仔有無人得閒可以陪我食下飯！見到公司附近有間酒店，check下入面有無buffet食，見到有，嘩！仲有信用卡85折，d食評又講到好好咁！咪試下！因為我同幾個朋友都係海鮮怪，佢地又好似做緊seafood promotion，我d朋友都知道我地幾個一見到d海鮮，就好似我既「殺父仇人」，想吞晒佢地落肚！哈哈 (太誇張了！不過是事實！)一心諗住下午三點幾四點先book枱，一定book唔到枱喇，哈！又俾我book到，個receptionist姐姐仲好nice咁話我聽有咩食同食到幾時，幾時要還枱！好專業！(唔記得佢叫咩名！)到左時間了，個女receptionist 好有禮貌地問我地「Good evening, Welcome to kudos，請問貴姓訂枱！」--- 點解咁記得，因為佢真係好有禮貌同我認聲好叻，想知剛才幫我book枱係唔係同一個人....哈哈！講左個號碼(我估係table no. )之後就又另一位穿黑色西裝褸的男士......umum...我估佢一定係咩captain or manager之類既人物吧！帶左我地去左一個
其實個日無咩特別，見到收工後無野好做，咪搵下朋友仔有無人得閒可以陪我食下飯！
見到公司附近有間酒店，check下入面有無buffet食，見到有，嘩！仲有信用卡85折，d食評又講到好好咁！咪試下！
因為我同幾個朋友都係海鮮怪，佢地又好似做緊seafood promotion，我d朋友都知道我地幾個一見到d海鮮，就好似我既「殺父仇人」，想吞晒佢地落肚！哈哈 (太誇張了！不過是事實！)
一心諗住下午三點幾四點先book枱，一定book唔到枱喇，哈！又俾我book到，個receptionist姐姐仲好nice咁話我聽有咩食同食到幾時，幾時要還枱！好專業！(唔記得佢叫咩名！)
到左時間了，個女receptionist 好有禮貌地問我地「Good evening, Welcome to kudos，請問貴姓訂枱！」--- 點解咁記得，因為佢真係好有禮貌同我認聲好叻，想知剛才幫我book枱係唔係同一個人....哈哈！講左個號碼(我估係table no. )之後就又另一位穿黑色西裝褸的男士......umum...我估佢一定係咩captain or manager之類既人物吧！帶左我地去左一個估都估不到的位置----「window seat」.....真係開心得我呀！
開餐lu......當然是我的「殺父仇人」啦-----Seafood！
廚師好友善咁介紹有咩seafood好食，不過不用介紹，我一定食到我唔食為止啦！
即開生蠔，唔介意我一次過拎幾隻！都幾新鮮！咸咸地，應該是海水味掛，不過無呢d味就唔係叫seafood啦, right！
食到咁上下，我又走去食第二d野，佢地係開放式廚房，所以d 熱食都幾有水準！
特別一提，佢地d野食質素真係不錯，大佬，三百幾蚊，俾埋85折你，個海鮮冷盤堆到成坐山咁，你想要點都盡量滿足你，你仲想點！
其實本人不太喜歡食appetizer，因為不太愛食草既我，咦！眼見唔止有草食wo，仲有好多其他野wo.....見到有款什果沙律，試一試吧！哈哈，又ok wo！不過本人始於不太喜歡食草既關係！都係算啦！試下其他吧！(不過我d朋友都覺得佢地既appetizer 都不錯！)
到左甜品，咦！有「車厘子」食？？心想「無野呀！你知唔知而家d車厘子有多貴呀！」俾我見到仲點會放過你地呢！
之後又食下其他甜品，真不錯呀！少少一個甜品區，都算多野食，d質素真的不錯！至少我鐘意！我記得有個水果撻之類既甜品----佢地將個芒果整到好似朵玫瑰花咁！有心思呀！值得一讚，不過我諗應該唔係成日有，大佬，你都要d水果新鮮先得嫁！係係係.....特別又一提既係仲有個乳酪雪糕，(我打電話黎時，receptionist姐姐都有介紹過) 好似雪糕新地咁，好好玩同埋都算幾好味！
食飽飽之後，我地坐多左一陣間，飲埋杯餐茶，都係時候走人了！走既時間，我覺得自己好似VIP，哈哈！
個個都同我地say thank you，receptionist姐姐仲幫我地按埋lift，唔止，仲等到部lift後，幫我地按埋ground floor個key！
咁既服務態度，今時今日，仲邊到會有呀！裡裡外外，個個既服務態度都好好，我要協助既時候，你都未叫「help」時，佢地就已經上前幫你了！廚師又好好人，又唔嫌我煩(其實本人一向都鐘意問東問西的)，當日我無記錯好似有幾個著黑色西裝既staff，佢地個個都好nice (有d酒店既西裝人係同佢地既衫一樣的，黑口黑面！) 其他staff既service又好，收碟快，我都未話要加水，已經自動自覺，勁呀！仲之一句，佢地既服務態度，有時我覺得衰d講，有d所謂既五星級既酒店都要學下佢地！(即係尖沙咀某幾間呢......唔好開名啦！)
不過唯一的缺點是我心諗佢地既冷氣是否壞了呢？為何會那麼的熱呢？唔好話我覺得熱，我d朋友唔怕熱都覺得熱！其實係真係壞了定係呢度d staff唔覺得熱呢！但我睇到佢地做到真係「大汗搭細汗」wo......冷氣係唔係應該要改善一下呢！
若可以連呢樣野改得到既，呢度一定係我地幾個好朋友既得閒聚一聚既「食堂」。
题外话/补充资料：
唔記得影相，下次一定影番俾你地睇！
(以上食记乃用户个人意见 , 并不代表OpenRice之观点。)
张贴