吉野家 (已搬遷) 新店位置

今日同同事食飯，同事又建議去食大集團，不過今次係吉野家，於是一眾人等就去吉野家。其實吉野家除了牛便是雞。早午晚三餐都冇乜特別。只不過今次呢間野除了個格調幾特別，鋪頭細但露天(其實係室內)的枱椅頗多，去到時頗多人，正為座位煩惱時，居然有一位公關姐姐幫我們找座位，呢個服務除了M記同茶餐廳之外，邊到有，更何況後者的禮貌...由於我們人多，公關姐姐好有禮貌請及協助一位小妹妹調位，讓我們入座，真係唔好意思。然後再派餐牌俾我們，好親切咁介紹食品。到食飯時，隔離果位小妹妹食到咁上下，佢又走來問小妹妹駛唔駛加點水，啊....這是吉野家嗎？