吉野家 (已搬遷) 新店位置

黎吉野家次次都食牛肉飯難得佢新出左隻唐揚雞肉飯睇相好似好吸引，就試下啦餐跟飲品同埋麵豉湯40蚊價錢ok唔算太貴炸雞表皮香脆，內裡鬆軟啖啖肉非常惹味不過得四小件,好快就食晒唔夠喉吉野家d珍珠米一向有水準，軟硬適中撈埋蕃茄汁食更滋味不過蕃茄汁味道濃d會好d跟餐送檸檬茶個人覺得太甜重甜過汽水而且一塊檸檬都冇似飲糖水多過檸檬茶不過整體個餐都ok好食

放假出去嘆個早餐, 想去大家樂, 但full哂, 茶餐廳又嚟嚟去去都係果d, 所以就試一試吉野家.............果然.............只係得牛、雞、菌三款的配搭任選, 結果我地選咗1個牛, 1個雞, 份量少得很, 飲品也沒幾多款.............. 雞餐+熱綠茶 -> 有3舊雞+1份粟米火腿炒蛋+2條廚師腸, 味道其實不用多說, 因為同午/晚餐的雞是一樣的..............不過個蛋都算炒得幾滑, 唔會老哂.............腸仔唔會炸到起pop, 又唔會好似白灼咁味...........最好飲竟然係杯綠茶, 又夠熱, 又夠茶味............. 牛餐+凍奶茶 -> 有幾塊肥牛+1份粟米火腿炒蛋+2條廚師腸, 肥牛比平時鹹及老 ................凍奶茶超難飲, 頭1啖可能未搞勻, 只飲到花奶味, 之後飲落只有冰水味.............

哇哇哇=D本身打算和朋友到吉野家吃火煱誰料這間位於第一城的分店沒有火煱轉為這個定食有服務員為我們端上食物和開爐.GOOD而我問朋友為何沒有火煱時,服務員更用心的為我們解答.原來這是新推出的, 但不是廣泛推出, 這間分店只是作白MOUSE試試運作XD有牛肉啦.配料啦, 雞蛋啦,飯啦~原來白飯是要放上板燒的..看見有些人只是光吃白飯.... 看來他們不懂了其實沒有燒過的飯是硬+凍的.怎放得進口呢XD?牛肉同配料都幾新鮮幾多,而d汁係有d之麻味,都幾好味架.而且汁係自己加,因人而異.旨在試試.一試無妨

今日到好耐無去過嘅沙田第一城吉野家因為上次有件不愉快事件發生今次見到呢個期間限定嘅...三重芝士牛丼其實只係將一堆凍嘅芝士條pat上去咁樣再撈埋D熱嘅牛肉就會溶埋啦講真呢個咁新鮮嘅創作佢嘅勇氣係值得嘉許的不過至於你問值唔值得推介?應該上次果個玉子牛丼會比多十個趣囉 因為真係幾怪的@@撈埋3種芝士同吉野家個鎮店之寶 -> 牛肉anyway 生活中係應該作出唔同嘅嘗試更何況一個簡單午餐吉野家，希望你會製作更多期間限定$34.5黎講...個size我真係覺得細左少少囉碗飯因為我食完唔覺得好飽都係同時平時一樣有一杯汽水不過算啦....生活中是要作出新鮮嘗試

我自小就很喜歡吃芝士，但對芝士不講究~平時很少去吉野家，但一見到這個「三重芝士牛丼」的廣告就急不及待立即去試試。牛肉飯是一般的味道，以為芝士可以令牛肉和飯更好味，誰知芝士味過於濃郁，蓋過了牛肉味，芝士的味道又和牛肉不太配搭，所以有點兒怪怪的......而且，芝士說分了三層，分別是「巴馬臣芝士」、「車打芝士」和「馬蘇里芝士」，廣告裏說它們各有其所，但我吃下去的時候，事實並不是這樣的，芝士們都混合了，成了古古怪怪的mixture，所以吃下去並不太好吃......此外，學生餐的牛肉飯+飲品是$26，但這個一模一樣的，只是在上面加了一些芝士就要貴$8.5，我覺得有點兒不划算呢！

肥牛火鍋餐一個單人鍋...有曬料係裡面...boil 左就食得喇~ 係少左d 菜...肥牛...都ok喎...肥瘦幾分明...福袋的年糕...boil 到稔曬呀~豆腐卜...吸曬d湯...雖然係清湯...不過幾甜呀...加左:烏冬...自家烏冬...有一定的質素~ 幾彈牙~ 拎黎個時都熱的了...唔使boil 咁耐喇... 餃子...好爽口的...放左d咩呢?都幾juicy...章魚串...好味~ 好章魚肉丸呀...大大粒...口感好好...魚豆腐...好似好普通的..仲粒粒大細有幾大差別...wow..dinner 都幾多人下...等下位...buy 左ticket 就有人拎黎..都幾方便~個sesame sauce 仲好香...好好味~~~

朋友昨天已話想食;但今早因工作太忙冇回覆佢電話, 所以朋友自己走了去食了上海麵;咁我做到行得開, 她已食飽晒了~冇義氣呀 我好餓呀....好, 咁我自己一個去食, 反正冇吃咁耐, 心思思了.上次食都幾個月之前了...1點幾, 好多學生呢.叫了個一號餐, 基本野!麵豉湯不錯, 又有唔少料在內.另叫了一包薑, 又甜又辣, 正呀.真係好好食呢, 出汗了, 辣呀~牛肉飯又再加了些辣椒碎, 落一包, 辣味o岩o岩好;肉汁又o岩份量; 珍珠飯唔會浸得太淋;記得豬豬女友係好愛汁的, 通常仲要多一碗撈珍珠米飯的!d珍珠米都唔錯噃.一提, d蔥真的好入味, 又爽, 齋食蔥撈飯我都制呀.回到office見到朋友; 原來佢有張報紙coupon, 兩個餐有10蚊折扣; 幾抵噃.呀咁即注定我呢幾日要再幫襯多次了

呢排天氣凍左覺得打bean爐又貴，見吉野家出左肥牛shabu shabu set，仲要係$48咋，即刻同男友叫返兩set啦...我地叫左一個濃湯湯底，另一個係清湯，個人就較喜歡d濃味既食物，個餐包括左有金菇啦,豆腐,菜,烏冬,一碟肥牛及一大碗白飯，以份量黎睇,一個女仔就真係幾heavy,所以今次就食剩好多飯,味道唔錯,又暖胃,我覺得下次再食的話可以兩個人叫一個set,加碗飯,咁就0岩0岩好!重點推介係:點肥牛既醬 (唔知叫咩名,黃色既,個汁好香,酸酸甜甜,好特別!!!!)

This place is one of my favourite fast food places. I've tried the beef, the chicken, the combo, noodles, soup rice...basically everything here My favourite of course would have to be the beef rice! The beef is fatty beef, which you can't really go wrong with. It's mixed with a tasty, addictive sauce (probably MSG laden, but it's fast food, so expectations are inevitably decreased) which makes the fluffy rice even more appetizing. Fast food at its best. The only complaint I have is that the vege

話說有天要去呢頭整電腦，整完之後唔想周圍行決定就去吉野家食個飯﹗點左最簡單既大牛飯，真的很佩服吉野家既水準，佢0的珍珠米真係幾時食都咁鬼彈牙好味﹗當然肥牛亦都係水準之作啦，但最重要一樣我喜愛吉野家飯的原因就係佢個燒汁，真係食左咁多年都未厭﹗見到佢地有新出既牛肉一人一爐火鍋，等我下次試下先﹗咁岩俾我望見佢0的窗戶貼左0的肥豬公仔，是一家四口的肥豬，四隻都話鍾意食吉野家，為何那麼奇怪會用豬作吉祥公仔呢？難到食吉野家的就是豬？

朋友攞住張報紙coupon, 打了4次俾我話要食, 都好難say no.再加上她工作上被人迫害, 好慘. 楚楚可憐可憐咁, 哼, 就佢一次咁大把啦. 雖我20小時前才食過, 但都決定就她一次咁多啦~1點來到, 勁多人.排隊排刑去轉角, 有冇咁多人呀...好采都搵倒位坐.叫了$28 的 1 號餐.朋友都係牛肉飯, 再加coupon 送野菜及魚.飯的水準係一貫的保持.今日d 飯冇昨天咁淋, 咬口好好多.魚略油, 都幾細片, 薄薄地, ok啦.菜淋左d, 都ok 啦.回想第一次和女友豬豬食飯, 係呢間吉野家呢, 今天又來, 百般滋味在心頭~(其實, 這是我冇拒絕朋友的真正原因．．． )

食快餐店火鍋,好處是得一個人都可以食。天寒地凍,原本想食煲仔飯,但身在第一城,不想費時尋煲便來個快餐火鍋。快餐店的火鍋,食得多大定樂的,但吉野家的真是未試過。買個牛肉火鍋,選要泡菜湯底,有牛肉、一碗飯鍋內有冬菇、豆腐、泡菜、烏冬、金菇、芋絲...先食件三角形的(不知叫甚麼名),小小脹身,把其浸入湯,吸收了湯會變得軟身小小,一咬便有湯滲出,似海綿。怕烏冬浸腍,便把鳥冬食得七七八八,烏冬煙煙韌韌,同樣吸收了湯的味,把其一同撈飯食,也不錯。牛肉方而,食落不韌,基本上已經收貨,稍嫌肥一點。至於其他配菜延好,夠入味。至於芝麻醬,似沙律醬,感覺上醬的味道與火鍋配料不太合,加上不點醬也已經夠味,故沒有使用、泡菜湯底酸酸小辣,嫌不夠辣,可以辣一些便更好了。見不少檯都至少一鍋兩鍋,比較多人要濃湯底。火鍋都頗早售罄,見有人來到想試卻遲了一步。看火鍋份量不太多,但食畢就飽到上心口。留著暖氣,續迎寒風。

The top rated restaurant in Cityone, can you believe it.We had just the ordinary beef rice.Not bad for $20 a small bowl.i choked on the chilli, it was embarassing.Speedy service, had the lunch in 20 minutes (including lineup time)

just the ordinary beef rice with miso soup will make me happy.the place is clean and service is quick.What more can you ask for?

在屋企唔想煮,求其落吉野家食...晚上人客唔少,座位大部份滿...廣告效應,買左個野菜牛肉飯,同時見大部份人客都係食野菜牛肉飯...一向對呢間吉野家比較有信心,無論賣相,食味,份量,服務,個人認為都比沙田中心的好...今次買飯,自己冇問店員拿,店員也自動送上一杯水...今次牛肉多過菜,取時飯用蓋著,食時飯還是暖暖的...汁沾上珍珠米,牛肉唔韌充滿汁的味,清清地,簡簡單單又一餐...唔一定高價食物先好味,簡簡單單一樣可以...