佳記雞煲小廚 (已結業)

今日天氣涼涼地，放工已經好肚餓，想打邊爐又想吃雞煲，上網一搵就見到任吃雞煲，吃完🐔可以打邊爐就最啱。😜店內唔算大，感覺似家庭式經營，7點已經快坐滿，如果唔係因為疫情，一定要等位或者預先book位。雞煲可以選擇唔同辣度同麻度，雞件夠大件，啖啖肉好滿足。雞煲裡面配菜都幾足，有鮮冬菇同洋蔥，當然唔少得香芹啦！重點係雞肉可以任加，我同朋友加咗三次，都有點唔好意思，因為雞煲狗濃味，雞肉唔會太肥，幾有水準。火鍋配料選擇充足，而且品質都唔錯，蔬菜新鮮而且洗得夠乾淨，可以吃得放心。飲品都可以任㨂任飲，最驚喜係有椰汁汁同菊花茶，解辣一流。百幾蚊可以任吃雞煲火鍋，仲要有水準，真心抵吃!