影片
更多
2008-01-03
23 浏览
去大西北, 係遠古的事情了, 當然沒有甚麼印象. 是晚來了這裡, 試試好久未嘗的新疆菜.入門口先要洗洗手, 真係潔淨了先進內. 氣氛幾好, 好有異族風情. 第一次來, 就要個二人餐, $268兩位, 三個頭盤, 兩個主菜, 一個甜品, 都幾豐富. 想食串燒, 店方也有彈性, 把原本不屬於A餐的串燒改入去個餐度.老虎菜配帶子及哈密瓜沙律: 7分, 這個沙律已經落了不少油, 味道都應該幾地道, 因為小弟係不太習慣. 帶子同哈密瓜都係不太多, 反而係好多紅青椒, 想清清地吃沙律就不能了, 但想吃得刺激一點, 就會覺得這個也幾特別.南瓜茸配烤餅: 8分, 有成六塊烤餅, 剛好一人三塊. 烤餅熱辣辣, 也鬆軟, 剩吃也可以. 不過中間的開口位不算大, 勉強先能把一小部份的南瓜茸塞入去. 加上南瓜茸的餅, 甜甜地, 都幾好.雞肉串燒: 8分, 小時候係烏魯木齊火車站吃過很美味的串燒, 那種味道還常存心內. 或許回憶係特別美好的, 是晚吃到的串燒, 始終不夠入味, 面頭的香料沒錯係幾香口, 但係好像入不到裡面的雞肉. 當然, 這串串燒其實係有一定水準了.爆炒牛仔臉頰配松茸菌: 7分, 味道比較濃的一
入門口先要洗洗手, 真係潔淨了先進內. 氣氛幾好, 好有異族風情. 第一次來, 就要個二人餐, $268兩位, 三個頭盤, 兩個主菜, 一個甜品, 都幾豐富. 想食串燒, 店方也有彈性, 把原本不屬於A餐的串燒改入去個餐度.
老虎菜配帶子及哈密瓜沙律: 7分, 這個沙律已經落了不少油, 味道都應該幾地道, 因為小弟係不太習慣. 帶子同哈密瓜都係不太多, 反而係好多紅青椒, 想清清地吃沙律就不能了, 但想吃得刺激一點, 就會覺得這個也幾特別.
南瓜茸配烤餅: 8分, 有成六塊烤餅, 剛好一人三塊. 烤餅熱辣辣, 也鬆軟, 剩吃也可以. 不過中間的開口位不算大, 勉強先能把一小部份的南瓜茸塞入去. 加上南瓜茸的餅, 甜甜地, 都幾好.
雞肉串燒: 8分, 小時候係烏魯木齊火車站吃過很美味的串燒, 那種味道還常存心內. 或許回憶係特別美好的, 是晚吃到的串燒, 始終不夠入味, 面頭的香料沒錯係幾香口, 但係好像入不到裡面的雞肉. 當然, 這串串燒其實係有一定水準了.
爆炒牛仔臉頰配松茸菌: 7分, 味道比較濃的一味, 出動到牛的臉頰, 不過吃不出肉質有乜特別嫩滑, 但至少沒有化學過, 也爆炒(形容得幾勁, 又爆又炒!)得幾香口, 收貨了. 除了松茸菌之外, 有不少配菜, 牛的份量不太多.
田園素菜生菜包: 8分, 一大碟田園素菜包括有冬菇, 榨菜, 芥蘭頭粒, 粟米粒同埋甘筍粒, 自己因應口味放入生菜內做生菜包. 生菜幾新鮮, 那五種素菜其實的味道也幾重, 剩吃的話就麻麻, 跟生菜一齊食中和了那份味道.
紅豆綠茶桂花糕: 8分, 桂花味好香, 不會太甜, 紅豆同綠茶味只係次要, 件糕的味道都係以桂花為主. 吃完味道濃烈的菜色, 再吃桂花, 讓味蕾休息一下也好.
價位係合理的, 食物的水準也算中上, 這次轉轉口味, 幾滿意的.
张贴
