容記小菜王 (已易手)

我成日喺公司聽電台，港台有個節目請咗個叫"容師傅"嘅人教人煮餸，幾經追查得知原來係深水埗"容記"。當日晚上立刻走去試試...去到坐底唔知食咩好就四圍睇吓人食Ｄ嘜，又睇吓貼喺牆Ｄ介紹，因為我同朋友得二個人，所以諗住試三、四樣，好食下次再嚟過。點菜:腩仔肉、草菰西籣花、墨魚咀，1.腩仔肉-簡直不知所謂，皮小脆，又un又硬，無肉味，死鹹，混身油淋淋，一定係返拖油所至，見到都飽，每人兩舊以停手...2草菰西籣花-罐頭草菰+白灼西籣花+油+生粉水。"獲"氣零，味道１分比油。(我阿媽一定好過佢)墨魚咀-亦都係又淋又油又無味！試完以上三款菜式(聽聞有兩樣係鎮店)，我可以大膽咁講，佢係我三十幾歲人食過最差嘅頭三位，貼錢都唔會再去！