影片
更多
2020-05-09
493 浏览
位於厚福街嘅呢一間上樓居酒屋《Mokumoku Yakiton 》 非常受食客歡迎， 就算是閒日的晚上，都客似雲來。一定要電話預訂， 先能夠保證有位。呢一間居酒屋有多款清酒可供選擇， 呢一支《君之井 山廢》$558/720ml sake， 採用日本頂級白米，由原材料嘅監控，以至製造過程都一絲不苟。 呢一支清酒嘅味道較為濃郁， 配合香口，味道重嘅食物例如串燒就最適合不過。 呢一支純米酒入口順滑， 餘韻揮之不散。先來一款池魚刺身， 師傅用巧妙的刀功將池魚起成簿片。池魚刺身略帶鮮紅而且剔透，肉質結實而且爽口，油份較重，非常甘香可口，配以柚子醋醬汁令鮮味更加提升， 不知不覺已將原條池魚吃掉。來到重點串燒，呢一道《西班牙產黑豚肩肉串》$38 有意想不到的驚喜， 西班牙黑豚肉有橡果香氣，黑豚肩肉肥美多汁， 一咬落有爆汁感覺，但一點也不覺得肥膩，大火燒烤時已將油分逼出， 只剩下豚肉嘅肉香， 讚~由於餐廳主打豚肉串燒，豚肉都配以不同食材配搭，《豚肉秋葵卷》$32。 秋葵係出名潤腸嘅蔬果，以薄薄的豚肉包卷著來燒， 外面酥脆， 裏面juicy。而且秋葵咬落有爽脆嘅口感，既好味又健康。《串燒冬菇》$28 新
呢一間居酒屋有多款清酒可供選擇， 呢一支《君之井 山廢》$558/720ml sake， 採用日本頂級白米，由原材料嘅監控，以至製造過程都一絲不苟。 呢一支清酒嘅味道較為濃郁， 配合香口，味道重嘅食物例如串燒就最適合不過。 呢一支純米酒入口順滑， 餘韻揮之不散。
先來一款池魚刺身， 師傅用巧妙的刀功將池魚起成簿片。池魚刺身略帶鮮紅而且剔透，肉質結實而且爽口，油份較重，非常甘香可口，配以柚子醋醬汁令鮮味更加提升， 不知不覺已將原條池魚吃掉。
來到重點串燒，呢一道《西
班牙產黑豚肩肉串》$38 有意想不到的驚喜， 西班牙黑豚肉有橡果香氣，黑豚肩肉肥美多汁， 一咬落有爆汁感覺，但一點也不覺得肥膩，大火燒烤時已將油分逼出， 只剩下豚肉嘅肉香， 讚~
由於餐廳主打豚肉串燒，豚肉都配以不同食材配搭，《豚肉秋葵卷》$32。 秋葵係出名潤腸嘅蔬果，以薄薄的豚肉包卷著來燒， 外面酥脆， 裏面juicy。而且秋葵咬落有爽脆嘅口感，既好味又健康。
《串燒冬菇》$28 新鮮嘅冬菇茶上日式醬汁， 火候拿捏得準確， 保持菇肉嫩滑嘅質感。
《厚切牛舌》$58， 牛舌如果處理得唔好好容易有一份騷味， 呢間餐廳嘅牛舌採用牛舌最深層嫩滑嘅部分， 食落嘅口感就更加爽嫩。牛舌串燒簡單灑上海鹽調味，看似簡單， 但可以食得出牛舌嗰份牛香。
《山形縣產煙燻豬腩》$128， 呢一個燒煙燻豬腩最適合就係配以啤酒。 大廚將煙燻豬腩燒得非常焦香， 外皮有一層金黃色， 食落除咗帶有微微鹹香之外， 仲食得出那份煙燻香氣， 比起煙肉， 口感更佳，咬落有肉汁， 點埋特別調配嘅honey mustard 醬汁， 帶有微微嘅酸， 中和左豬腩肉嘅油膩感。 係一個非常好嘅佐酒小食。
《豬腦串》$32 ， 千祈唔好畀豬腦呢個詞語嚇親， 豬腦嘅口感有點似牛骨髓， 入口滑捋捋。 燒豬腦外面用咗薄薄嘅豚肉包裹住， 豚肉嘅油份加上櫻花蝦同香蔥， 香氣十足， 令人一試難忘。
《燒菠蘿》燒菠蘿係每次食串燒必點嘅項目， 呢度嘅燒菠蘿上面 有一層薄薄嘅焦糖薄脆， 入口脆卜卜，而且菠蘿本身已經非常多汁甜美， 燒過之後水份蒸發，令波蘿嘅甜度提升。菠蘿含有酵素， 可以解油膩， 食飽之後來一串當飯後果。
試過之後， 就知道點解呢一間居酒屋會得到咁多食客嘅青睞， 皆因食物嘅質素真係非常之高， 同朋友一齊把酒談心， 真係非常適合不過。
张贴
