雖然一開始都係想飲酒聊天，但我們三個人居然都沒發現這裡是沒有醫肚之物，真係失策。不過老闆娘都唔介意我地自備食物上黎，隔離枱仲外賣左幾個pizza上黎添，氣氛著實唔錯！
食物menu雖然只有小食，不過以伴酒黎講都好足夠了！我地懶得諗，就叫左個雜錦拼盤，目測都有六七款小食，幾款芝士既質地同味道都頗為不同，岩哂乜都想試下既人！
最緊要當然係飲酒啦，就咁睇，價錢都算均真，唔識啲酒都唔緊要，老闆娘好樂意介紹返啲酒，連產地同製法都可以詳盡介紹，利害！
不過冇研究開既我當然飲返啲最易入口既Moscato啦，清香甘甜絕對可以用黎形容呢杯酒，哈，岩哂我。
最後我地係到坐左差唔多2-3個鐘，老闆娘都冇趕客之意，真係一個好舒適聊天既地方，有機會絕對會再上黎飲酒
！
