影片
更多
2016-12-18
1137 浏览
同屋企人食好野，梗係要揀間高質素既餐廳啦！係Openrice既食評都唔錯咁，就膽粗粗去試下。見餐廳既玻璃上貼左一d特色推介，就order左其中一樣，煎鵝肝配車厘茄凍湯。個賣相好靚，鵝肝煎得好香但唔會太油膩。食完濃味既鵝肝，飲番啖充滿車厘茄肉既凍湯就最好不過。呢款前菜好開胃。香燒法國鴨髀配鮮薯蓉就顯得出廚師既功架啦。起初見到以為個鴨脾會好乾，點知原來係名副其實既外脆內軟。表皮燒得好香脆，裏面既鴨肉又好juicy喎。旁邊既薯蓉經過特別調味，一啖鴨脾一啖薯蓉，好快就清晒啦！由於屋企人都係食肉獸既關係，所以就黎多個慢燒美國牛肉眼。我地叫左五成熟。影完相就掛住食，都冇影到裏面切開左係點添。旁邊有秘製醬汁可以點黎食，計我話其實唔使點都已經好好食。肉眼扒油脂分佈較多，所以肉質食落去幼滑多汁。個黑毛豬炒黑椒意粉就令大家最滿足。估唔到黑毛豬係咁大塊鋪係意粉上面，真材實料呀！同普通豬肉的確係唔同d嫁，肉質比較淋身，切開既時候都好容易。炒意粉加埋黑椒落去就更加惹味啦！
見餐廳既玻璃上貼左一d特色推介，就order左其中一樣，煎鵝肝配車厘茄凍湯。
個賣相好靚，鵝肝煎得好香但唔會太油膩。食完濃味既鵝肝，飲番啖充滿車厘茄肉既凍湯就最好不過。
呢款前菜好開胃。
香燒法國鴨髀配鮮薯蓉就顯得出廚師既功架啦。起初見到以為個鴨脾會好乾，點知原來係名副其實既外脆內軟。
表皮燒得好香脆，裏面既鴨肉又好juicy喎。
旁邊既薯蓉經過特別調味，一啖鴨脾一啖薯蓉，好快就清晒啦！
由於屋企人都係食肉獸既關係，所以就黎多個慢燒美國牛肉眼。
我地叫左五成熟。影完相就掛住食，都冇影到裏面切開左係點添。旁邊有秘製醬汁可以點黎食，計我話其實唔使點都已經好好食。
肉眼扒油脂分佈較多，所以肉質食落去幼滑多汁。
個黑毛豬炒黑椒意粉就令大家最滿足。估唔到黑毛豬係咁大塊鋪係意粉上面，真材實料呀！
同普通豬肉的確係唔同d嫁，肉質比較淋身，切開既時候都好容易。炒意粉加埋黑椒落去就更加惹味啦！
张贴
