佳美餐廳

营业中

休息中

今日去返多年前經常會去的餐廳食飯， 餐廳係喺地底，要行一條長長的樓梯，環境比較嘈， 侍應冇乜表情，目口目面。可能人長大咗啦！要求多左，感覺上啲食物搵唔返以前嗰種味道。餐牌都幾多選擇，有馬來西亞、西式、 越南和素食。麵包微溫微脆， 我要白湯，原來係紅豆湯，將紅豆磨碎咗，所以有紅豆衣。夏威夷菠蘿火腿雞扒配洋蔥汁可以選擇飯、意粉或薯菜，我揀咗紅米飯， 雞扒好大塊好厚，好可惜，雪藏味好重，我都食唔哂塊雞扒，紅米飯有啲濕，口感可以， 菠蘿甜甜地，火腿正常。檸檬水有苦味，唔夠熱。