老百姓火鍋刺身 (已結業)

又到左打邊邊既季節啦，約埋朋友試下呢間" 老百姓火鍋刺身" 。餐廳近太子站，行7分鐘左右就到，都幾方便。餐廳闊落，餐廳裝飾特別，用霓虹燈整既掛牆字，" 鍋藏人間美食"等等，幾摩登。好驚喜，店員同我地講火鍋店新張期內，贈送一人一隻大閘蟹，大閘蟹都幾多蟹膏，好應節。先揀火鍋湯底， 在慢慢揀火鍋材料。 我哋揀咗杏汁白肺湯，因為呢個湯性質溫和，有補肺止咳的功效，最啱呢個時候補一補。我地點埋啲配料，湯底就到啦。店員就叫我地飲下啲湯再打邊爐，啲湯足料鮮甜，真材實料，絕無味精，飲到停唔到口，飲左幾碗湯。美國頂級肥牛，朋友一路食一路叫好味。蔬菜雜菌拼盤，幾好裏面菜同茹各有3款菜，油麥菜、西洋菜、生菜、金菇、雞髀菇、秀珍菇。竹輪，炸芋頭，芋頭炸過，好快就食得，唔好煮甘耐呀。而飲品我地叫左洛神花茶，酸酸甜甜，清甜解渴。