相馬日式火鍋 (已結業)

荃灣大鴻輝出名多野食，全棟大廈都好多火鍋，行過路過攞左張傳單就上左21樓嘅相馬日式火鍋，入座安排左個窗口位，對住個零死角靚景食野心情都好啲。呢間餐廳嘅價錢百零蚊至三百幾都有，我就平平地㨂左$208特選牛肉放題，其他配料、醬汁出面自取、任食，一般魚丸、蟹柳、豆腐、麵、生菜等等都有，有少少特別嘅係好少有嘅蟲草花同羽衣甘藍都有，前兩日電視教煮餸先講過羽衣甘藍呢樣超級食物，用黎打邊爐真係第一次，食落爽爽地幾好食喎梗係㨂鴛鴦湯底可以一次過試兩個味啦，我㨂左豚骨同蕃茄。牛肉都幾新鮮幾靚，可以叫多幾轉，其他肉正正常常咁啦。另外我覺得響鈴好好味，新鮮冇油益味又夠脆