稻八日式火鍋炸物放題 (已結業)

打邊爐最緊要，除咗個爐之外，就係牛肉。就算個湯底好味到飛天，無好食嘅肉，都係唔得。反而如果牛係出色，係好好挽回分數。我地叫咗個中價嘅餐 $236 極上安格斯牛小排，淨係睇個樣都覺得幾好啊。喺滾湯度淥十幾廿秒就剛剛好，有牛味又夠肥香。佢第一round 除咗有牛之外，仲會黎一round 雞豬羊同牛柳粒。仲有鮫，墨魚滑蝦滑同花膠。啲滑幾好食，尤其墨魚滑有啲墨魚肉架。除此之外，出面有好多蔬菜款式同丸類。我覺得呢度係有誠意嘅，因為佢地會將啲菜洗到徹徹底底。比較有趣嘅係佢有個自助炸物，可以自己沾炸粉。我地食火鍋配料都食到飽飽喇，都無再食。最後當然有亮點啦！就係movenpick喇！