火鍋撚 (日富里百好大廈) (已結業)

好想試這間火鍋好耐，但礙於疫情，有些朋友害怕食火鍋，今晚終於得償所願，揾到老友陪我去試！蜂巢豆腐白湯鍋（$160）一向都鍾意揀清湯做湯底，呢個湯底就啱晒我，豆腐味好濃又清甜，逢星期一至四仲可以免費添加豆腐或鴨血！👍👍火鍋撚御用手切肥牛（大）（$377）打邊爐又怎可以少得牛肉啊！牛肉味濃又有「咬」口。五色丸丸拼盆（一份）（$128）有芝心丸、花枝丸、貢丸、牛丸同蝦丸！每款都彈牙，由其覺得貢丸最正！💯五彩鮮蔬藍（一份）（$95）裏面有好多款菜，菜心苗、蕃茄、粟米、黑木耳同娃娃菜，夠晒豐富！極品黑豚肉（半份）（$73）黑豚肉厚度適中，口感不錯又不會「嚡」。瑤柱千貝滑（半份）（$53）比較普通但味道是可以的！最後仲有送腐竹雞蛋糖水沙冰，非常驚喜，雖然細細杯但又幾鬼好味！😋😋最鍾意呢度有得揀一份或半份，咁就啱晒花心嘅我哋，可以試多幾樣嘢！