影片
更多
2018-02-07
3610 浏览
其實食過好幾次，一直懶打食評，見近日有時間我又出返一篇先。天氣咁凍就梗係要打邊爐啦，鍾要黎呢度食一來為左甜品，呢度個甜品真係好正，二來有兩小時任食，食得無咁趕呀，牛質素我覺得唔差喎，好過唔少酒樓先囉。今晚要有個蕃茄湯底，幾勁蕃茄味，仲有薯仔粒，跟本就係屋企啲蕃茄薯仔湯黎。第一盤牛，要左極上，都幾靚呀，薄就薄啲，但任食可接受啦，唔知係咪我好彩喎，一叫就黎唔使等。豬肉片仲靚，半肥瘦，食落無豬臭味，豬比較上厚身，好似仲好味啲。刺身個樣就真係麻麻，雪味重啲，無一般放題舖正。壽司都係一般，但細細舊過下口引啫，無話用飯質飽你就算。沙律個樣又係差啲，但呢個味道正常，沙律醬夠多，最鍾意個麻醬味。自助攞蔬菜公仔麵等，有鍾意食嘅蠔菇，蓮藕片同蒿荀，菜有菠菜，西洋菜，，唐生菜，白菜仔等，幾多款。再叫細盤牛肉，質素差唔多，朋友已經話飽食唔落，咁叫盤細嘅獨享先。綠茶芭菲，勁正，食左三杯！！香蕉班戟，都好食，不過微暖扣分。綠茶新地，綠茶雪糕同原味雪糕兩溝，我自己就鍾意芭菲多啲嘞。窩夫，多人叫到出唔切，所以份份都係熱嘅，勁好味又係唔講得笑，食左三份。雖然星期一晚都勁多人，天氣凍個個黎打邊爐，野食出得都ok快，有漏單
天氣咁凍就梗係要打邊爐啦，鍾要黎呢度食一來為左甜品，呢度個甜品真係好正，二來有兩小時任食，食得無咁趕呀，牛質素我覺得唔差喎，好過唔少酒樓先囉。
今晚要有個蕃茄湯底，幾勁蕃茄味，仲有薯仔粒，跟本就係屋企啲蕃茄薯仔湯黎。
第一盤牛，要左極上，都幾靚呀，薄就薄啲，但任食可接受啦，唔知係咪我好彩喎，一叫就黎唔使等。
豬肉片仲靚，半肥瘦，食落無豬臭味，豬比較上厚身，好似仲好味啲。
刺身個樣就真係麻麻，雪味重啲，無一般放題舖正。
壽司都係一般，但細細舊過下口引啫，無話用飯質飽你就算。
沙律個樣又係差啲，但呢個味道正常，沙律醬夠多，最鍾意個麻醬味。
自助攞蔬菜公仔麵等，有鍾意食嘅蠔菇，蓮藕片同蒿荀，菜有菠菜，西洋菜，，唐生菜，白菜仔等，幾多款。
再叫細盤牛肉，質素差唔多，朋友已經話飽食唔落，咁叫盤細嘅獨享先。
綠茶芭菲，勁正，食左三杯！！
香蕉班戟，都好食，不過微暖扣分。
綠茶新地，綠茶雪糕同原味雪糕兩溝，我自己就鍾意芭菲多啲嘞。
窩夫，多人叫到出唔切，所以份份都係熱嘅，勁好味又係唔講得笑，食左三份。
雖然星期一晚都勁多人，天氣凍個個黎打邊爐，野食出得都ok快，有漏單但同啲黑衫侍應講好快又出返啦，至少不停咁有野食無停過，可能坐近門口可以成日叫侍應係著數啲。
张贴
