尚素 (已結業)

今天要去官塘辦點事，下班就在駿業街附近搵嘢食，朋友話食得肉多，想食吓素菜，於是去咗果間中海曰升中心二樓嘅尚素食晚飯，地方同裝修都幾好，入到去已經感受到寧靜和諧嘅氣氛！好舒服，而且店員招呼都好好！我地兩個人，點咗涼伴𣏌子苦瓜做前菜，苦瓜好新鮮但唔會苦喎，仲拌以日式麻醬，幾醒胃，上面仲有幾粒紅色杞子，顏色配搭一流悦目！又點咗個黃耳大棗山藥羮，食落都超好味喎！再點咗香煎竹笙榆耳腐皮卷做小食，原來份量都不少，有成六大件，腐皮包住裏面竹笙同榆耳，磨菇絲等等素材，好入味，亦十分可口！主食就點咗個榆耳珍寶荷葉飯，飯粒鬆軟，荷葉嘅香氣撲鼻，令人食慾提振，以為吃不完嘅份量，竟然全部消化了！