261
26
10
港铁观塘站 A2 出口, 步行约6分钟 继续阅读
电话号码
31883094
98516252
开饭介绍
环境舒适的素食餐厅,主打纯素小菜及点心、如黑松露烧卖、麻辣口水素鸡及红烧竹笙烩素翅等。 继续阅读
营业时间
今日营业
11:30 - 16:30
17:30 - 22:00
星期一至日
11:30 - 16:30
17:30 - 22:00
付款方式
Visa Master 美国运通 现金 银联
其他资料
网上订座
Wi-Fi
酒精饮料
自带酒水
切蛋糕费
泊车
电话订座
赏订座积分
外卖服务
加一服务费
素食
有关奖赏计划
食记 (321)
等级4 2019-01-29
1091 浏览
最近有位同事新来,佢初一十五都会食斋,咁啱当晚系佢嘅welcome dinner,我哋就拣咗间素食餐厅同佢庆祝。其实真系甚少食斋,因为作为一个Foodie咩都要试吓嘅时候就好少会拣食素。特别要讲下佢个麻婆豆腐,因为真系好香,食第一啖嘅时候系有惊艳嘅感觉㗎,好似食紧正宗川菜咁,同埋佢个豆腐非常多,送饭真系一流。另外叫咗个牛肝菌香煎芙蓉鲜竹,系用腐竹煎嘅饼薄饼,食落同蛋饼真系有几分相似,而且个质感好特别,外脆内软,呢个餸真系好考个厨师系唔用蛋浆煎下煎薄饼嘅技巧,赞!一坐低就见到隔离枱食紧个红菜头炒饭,见到呢个颜色忍唔住就一定要叫啦!佢真系用新鲜红菜头汁来炒,所以充满着红菜头嗰种菜味,饭熦到粒粒分明,虽然会有人唔锺意红菜头嗰只味,但系我就非常锺意,而且影相打卡都一流。仲有最後甜品枣皇糕,呢个真系无敌,搞到我好想买一对返去新年自己定嚟食!因为我哋太嘈所以店员都忍唔住走过来同我地吹两嘴,先知原来素都有好多个派别,佢呢度就主打用新鲜嘅蔬菜,而唔系用素肉,希望可以为个世界出多一分力,多啲减碳少啲动物杀害,我谂我都要反思一下人生,食少啲肉,积返啲福 继续阅读
(以上食记乃用户个人意见 , 并不代表OpenRice之观点。)
等级4 2019-01-27
765 浏览
猪年渐近,但最近亦诸事繁重,所以一心食素,同屋企人共勉。最近观塘有呢间,正中下怀,可以同家人一解身心「烦」琐。订左位,嚟度发现竟然有(每位)$148放题,款式种类多,所以决定一食。黄金虾多士虽然系素虾,但质感同真虾无异,而且非常香脆,仲有甜甜嘅沙拉酱味。竹笙腐皮卷❤️热辣辣香脆嘅腐竹皮,包卷住丰富嘅竹笙馅,唔太油腻,推介👍🏻翠玉瓜山药炒藕片即使系全素菜,但调味令到翠玉瓜山药同藕片都非常入味,好好食,系一个令人食唔停口嘅菜式。黑松露糯米烧卖糯米软绵绵,咸度适中,最重要系黑松露味极之香浓。喜欢黑松露嘅人绝对唔可以错过。香煎芋头糕芋头味浓又香口 😋😋😋 好食,食完要encore~春卷又香又脆,亦有芋头香,不能错过。日式鹿茸菇饺子除左鹿茸菇之外,馅料仲有粟米,萝卜粒等,味道非常配~野菌田园蒸肠粉肠粉软滑,同木耳、杏饱菇一齐清蒸,沾上豉油,味道最清淡,够晒健康好食。菠萝咕噜虾绝对系清淡素食嘅相反,唔洗一定要食肉,都可以食到酸酸甜甜嘅素虾,非常香脆可口,同食真咕噜肉无异,赞👍🏻椒盐海鲜包括有素鱿鱼圈同素虾丸。两款素海鲜竟然非常弹牙,完全出乎意料。黄耳翡翠粥清清淡淡,仲加有软腍嘅薏米,系清身心嘅首选。食饱饱,必要食埋甜品。选择都有几款。我地分别拣左桂花桃胶雪耳冻甜品,以及红枣桂圆莲子露。一冻一热,但同养滋润养颜,啱晒屋企人。虽然系放题,但全素无肉,主要系鲜蔬同菇菌类,款式又多,仲零味精,食物质素高,食多多都无问题。而且环境宽敞舒适,系亲友共聚好地方。 继续阅读
(以上食记乃用户个人意见 , 并不代表OpenRice之观点。)
小肥最近锺爱疯狂食肉🤪都唔知点解会转死性同朋友去食中式素菜🙉🙉但还掂鲜有接触素食加埋有朋友介绍🙊一於趁午饭时间去感受下素菜风情啦🤣位於观塘中海日昇中心既尚素🍀喺观塘站A2出口经APM过黎亦够哂方便😆呢度以中式传统既餐厅环境装修☺️周围既木架茶具以及餐具挂饰摆设甚为古色古香☺️较为清静既环境亦坐得好舒服☺️适逢周日餐厅搞假日新春放题亦富有特色唔止闲日黎食下素菜😆假日黎同家人坐下食个假日素菜放题☺️倾下计亦十分适合😆金耳罗汉尚素以多款斋菜配料慢煮作配合☺️🌽🥒小肥至爱既雪耳亦煮得够哂滑嫩爽口🤤微微咸香食落够哂开胃😋松露扇贝以蒸煮方式炮制既扇贝更为健康之余☺️口感鲜甜滑嫩既扇贝🤤配合松露更带出浓郁松露香☺️黑松露炒面以黑松露炒出浓郁松露香既炒面🤤配合青红椒芽菜等炒煮更为足料之余😆洒上芝麻粒更增添口感☺️香煎日式鹿茸菇饺子以日式鹿茸菇既馅料更为鲜味之余🤤🍄煎饺即叫即煎更是一流🥟😋进补药膳鲜蔬以浓郁既药膳汤底熬煮娃娃菜☺️🥬够哂鲜味之余更有滋补保健功效☺️😋 继续阅读
(以上食记乃用户个人意见 , 并不代表OpenRice之观点。)
等级4 2019-01-21
1064 浏览
今日星期六,晏就放工近近地去左观塘食,搵左间素食餐厅, 佢有一个尚。中午黎到食饭既人唔算多,所以二人都可以坐到4人台够晒阔落。新春放题,只系$148加一服务费。见到点餐纸好多款式就决定食放题。不过建议餐厅可以写番价钱牌,因为见店员每次都要讲放题价钱。大部份野食都主要以鲜蔬及菇菌制作特色菜式,全部菜式为纯素。野食种类都几多,腐皮卷,虾多士,辣子鸡丁,菠萝咕噜虾,泰式肉碎蒸鲜竹,大枣银耳蒸南瓜,乳香蒸素蚌片,黑松露蒸茄子🍆蒸肠粉,叉烧包,香脆春卷,芋头糕,香煎萝卜糕,蒸萝卜糕。松露金耳节瓜盏,松露扇贝,黑松露糯米烧卖,黄耳翡翠粥,红菜头炒饭,金耳荷叶饭,黑松露炒面,四川担担面,桂花桃胶雪耳, 红枣桂圆莲子露, 红豆椰子大福放题食物太多款,介绍一下个人推介。黄金虾多士,多士脆卜卜热辣辣,加埋沙律酱好好味。香煎日式鹿茸姑饺子红枣雪耳汤浸鲜蔬,唔知菜系唔系日日唔同,我食既系娃娃菜,好淋好入味。台式三杯猴头姑,辣辣地,好惹味。 红豆椰丝大福,皮比较厚身, 好烟UN,红豆加椰丝绝配。 桂花桃胶雪耳,桃胶系好有益既食物,成碗甜品食落完全冇罪恶感。 继续阅读
(以上食记乃用户个人意见 , 并不代表OpenRice之观点。)
等级4 2018-12-23
385 浏览
最近工作压力有啲大,皮肤差咗,所以呢一晚就想食清啲食素😅 观塘系我同男朋友都几有感情嘅地方,所以我哋经常都去观塘,见呢间素食评价唔错所以就黎试下😀我哋叫咗一盅红烧竹笙素翅,一盅黄耳大枣山药羹, 三杯猴头菇, 露荀苗山药炒藕片,炒贵刁,同埋一份枣皇糕🙈首先系个两盅素翅同羹,好足料,完全唔似食紧斋, 两个嘅口感同调味都适中,唔会觉得太稠同太咸/太甜个三杯猴头菇嘅汁相对浓郁, 仲有茄子,腐竹同埋三色椒,猴头菇煲汤就饮得多,但煲完汤嘅猴头菇同就咁攞嚟煮完全唔同口感, 我自己锺意攞嚟煮嗰种硬身少少同有赵口嘅口感👍 猴头菇同腐竹索晒啲汁好入味但又唔会过咸😀 茄子都唔会煮到淋到一pat嘢, 三色椒就脆口👍芦笋苗山药炒藕片成碟都系爽口,啲露笋苗好嫩 完全冇渣😋炒贵刁就有少少咖哩味, 仲有芝麻舖系面,好香口饱肚👏最後就有我同男朋友都好锺意食嘅枣皇糕,唔系好多酒楼或者地方可以食得到, 如果有都系必点,加上见到隔离枱嗰啲好似好靓😍 即叫即蒸,一嚟到热辣辣,香气扑鼻😍 够烟韧,超香红枣味,perfect!👏👏呢一餐带比我食素嘅新体验😁 下次如果想食素呢间都会系好选择之一😆 继续阅读
(以上食记乃用户个人意见 , 并不代表OpenRice之观点。)