翠樂庭餐廳

营业中

休息中

迪士尼翠乐庭餐厅，系经典小朋友庆祝生日的好地方，环境的确十分优美典雅，布置好有欧陆气氛，令大人细路都觉得好特别，好似离开咗香港去咗外国旅行咁，加埋有迪士尼朋友出现，我哋𠮶日好好彩、有米奇米妮高飞狗，而且出嚟唔止一次，总共行咗四五个圈，基本上一定影到相，其实系影到你唔影都得；不过，食物就比以前差，款式唔够多，质素亦都唔系好，如果食肉兽更加觉得唔够肉类供应，特色食物好少，其中一样系烧鹌鹑，味道都算几好，另外好味嘅有带子刺身，但系好快就食完，唔再供应，令人失望，所以供应量如果可以增加，就会更好；甜品方面，味道好一般，设计亦都唔多特色，如果有多啲真系迪士尼人物造型嘅甜品，而唔系单单插个公仔牌喺一件普通蛋糕上面，就会更有吸引力。值得一赞嘅系，每枱问题都有一个海鲜盘，系带子、蟹、虾等等嘅海鲜熟食，都几好味。