影片
更多
2022-12-03
1962 浏览
餐廳：Amico 1890 (旺角)地址：旺角洗衣街24號地舖旺角洗衣街呢間人氣Cafe——Amico 1890 @amico1890 已經踏入第8個年頭，佢哋堅持10年唔加價都真喺幾堅🤣👍，最近佢哋將餐廳大改造，佔兩層嘅空間分別構造兩種唔同嘅效果：上層主要走灰暗色型格路線；而下層就以粉色系塑造少女風格，但目的都只喺得一個，正如佢哋餐廳名隱藏嘅意思一樣——「Amico 」意大利文解作「朋友」，希望一大班知心好朋友可以嚟呢度好好聚舊、享受😎餐廳到處都喺影相位，隨手拎起部手機/相機就可以瘋狂打卡一番📸，佢哋以Cafe形式推出唔同西式美食，識食一定喺趁下午茶時間以最抵價錢食佢哋嘅食物，畢竟叫Light Meal就可以用優惠價嗌佢哋嘅嘢飲😆✝️露絲瑪莉羊扒 $198一上枱未食就已經聞到誘人嘅羊羶羊脂香🐑，3大塊連骨嘅羊扒堆砌喺滿滿嘅粗炸薯條上面，羊扒嘅肉同脂肪比例各佔一半，中間有層筋膜痴住，叫咗5成熟，切嘅時候豐腴嘅肉汁即刻湧流晒出嚟🤤，面頭仲有唔少迷迭香，唔知有冇人同我一樣特別鍾意食嗰舊好邪惡但喺好重羊羶香嘅脂肪層呢😝✝️森林雜菌薄餅 $108熱辣辣新鮮出爐🔥，一拎起就見到Mozzarella
地址：旺角洗衣街24號地舖
旺角洗衣街呢間人氣Cafe——Amico 1890 @amico1890 已經踏入第8個年頭，佢哋堅持10年唔加價都真喺幾堅🤣👍，最近佢哋將餐廳大改造，佔兩層嘅空間分別構造兩種唔同嘅效果：上層主要走灰暗色型格路線；而下層就以粉色系塑造少女風格，但目的都只喺得一個，正如佢哋餐廳名隱藏嘅意思一樣——「Amico 」意大利文解作「朋友」，希望一大班知心好朋友可以嚟呢度好好聚舊、享受😎
餐廳到處都喺影相位，隨手拎起部手機/相機就可以瘋狂打卡一番📸，佢哋以Cafe形式推出唔同西式美食，識食一定喺趁下午茶時間以最抵價錢食佢哋嘅食物，畢竟叫Light Meal就可以用優惠價嗌佢哋嘅嘢飲😆
✝️露絲瑪莉羊扒 $198
一上枱未食就已經聞到誘人嘅羊羶羊脂香🐑，3大塊連骨嘅羊扒堆砌喺滿滿嘅粗炸薯條上面，
羊扒嘅肉同脂肪比例各佔一半，中間有層筋膜痴住，叫咗5成熟，切嘅時候豐腴嘅肉汁即刻湧流晒出嚟🤤，面頭仲有唔少迷迭香，唔知有冇人同我一樣特別鍾意食嗰舊好邪惡但喺好重羊羶香嘅脂肪層呢😝
✝️森林雜菌薄餅 $108
熱辣辣新鮮出爐🔥，一拎起就見到Mozzarella Cheese濃郁嘅拉絲效果🧀，相當吸引，用咗雜菌🍄、意大利香草🌿、蕃茄等材料去鋪滿成個Pizza🍕，夾埋超鬆脆嘅薄Pizza餅底一齊食，值得再encore😋
✝️鵝肝多士 $68
鵝肝外層焦脆、內裡Creamy柔滑，鵝肝香味勢不可擋，蒜蓉多士仲要吸晒啲鵝肝精華，雖然油膩，但完全抗拒唔到，就算今晚要跑多幾個圈都值得食多一件😍
✝️提拉米蘇牛角窩夫 $68
Tiramisu嘅甜配上牛角窩夫嘅鹹，
柔軟嘅Cream、香脆嘅手指餅、酥脆嘅牛角窩夫🧇，締造咗豐富嘅口感層次。
另外加$35叫埋Tiramisu Latte，就可以享受雙重嘅Tiramisu滋味🤩，
當然唔少得用嚟打卡啦😏，Tiramisu愛好者千祈唔好錯過
✝️松露朱古力凍餅 $69
鍾意食朱古力嘅人就要一試呢個松露朱古力凍餅，朱古力同cream溝勻再灑上朱古力粉🍫，睇落就好似松露咁綿密濃郁，甜而唔膩，口感厚實，
食完飲埋杯解渴清新嘅「垃圾桶」(+$25)就最適合不過，原來喺甜酸適中嘅芒果檸檬梳打🍹
张贴
