虎嘯日式蒸氣海鮮刺身專門店 (亨環‧天后)

营业中

休息中

呢間餐廳主打蒸氣海鮮，食海鮮最原味既方法，根據食材定曬先後次序咁去蒸，食完一樣先一樣，非常有程序！首先食既係刺身頭盤，有花龍蝦刺身、象拔蚌、油甘魚、北海道帶子、銀鱈魚、酒漬赤蝦、北寄貝，最特別一定係花龍蝦刺身😍龍蝦刺身原來都咁鮮甜，肉質更有彈性，淡淡海水味湧出黎，其他既刺身同樣新鮮，清清地開下胃！之後食完少少蒸海鮮就再食刺身，係蘇格蘭刺身帶子🤩大粒厚肉，爽口軟嫩，配埋海草配同西京麵豉，鮮味得黎又有啲麵豉既咸，真係唔錯！食到差唔多最後有甲羅蒸烏冬🥳係先將烏冬放蟹蓋入面，加埋蟹膏蟹肉一齊去蒸，烏冬煙韌既口感痴住啲蟹膏蟹肉，蟹香十足！