高興 (已結業)

其實成日都會去觀塘食飯行街不過一直都唔知觀塘有呢間鋪頭某程度上去食呢間鋪頭係因為佢嘅鋪頭名好吸引因為間鋪頭叫「高興」😊😊而且呢排都好鍾意食意粉，所以就專登去試吓呢間鋪頭———————————————而我就嗌咗芝士雜菌雞肉意大利粉（$72）呢個意大利粉其實份量真係好足夠，而且雞肉都有唔少嘅份量，雞肉亦都好嫩滑，唔會太過韌，不過唯獨美中不足嘅係芝士味唔算太突出，令到嗰意大利粉冇咁入味而我朋友就嗌咗意式番茄帶子燴意大利粉（$72）呢個意粉番茄味好濃烈，帶子煎得好香，食得出係啱啱煎熟嘅，因為好新鮮滾熱辣，再者肉質亦算鮮甜肥美，調味夠適中、幾入味。而餐廳嘅格調係以懷舊香港做主題，係一個幾值得打卡嘅地方。順帶一提嘅係餐廳嘅餐牌會教埋你點樣點餐😂😂而且唔洗加一服務費‼️‼️最後想講嘅係呢間舖頭唔收切餅費，好適合嚟幫朋友慶祝。