The Frequency (已易手) 新餐厅

一向都係朋友仔帶我搵食，今次黎到山林道搵路都搵咗一段時間，發現原來無論喺佐敦定柯士甸落車都可以行到過去。好肚餓，二話不說即刻叫咗個卡邦尼意粉，朋友好細食，叫咗個凱撒沙律。平時我唔食未煮熟嘅菜嘅，不過見朋友極力推薦我就即管試吓啦，原來都幾好食，打開咗新世界嘅大門 卡邦尼有點膩，味道正常。我好鍾意飲抹茶，加錢點左一杯抹茶，茶味回甘，抹茶香氣久久不能散，估唔到反而我最鍾意嘅係佢嘅抹茶。 我哋仲點左一個焦糖燉蛋做甜品，不過實在太飽啦，一人食咗兩啖就冇食，其實好好食。