Arcadia

营业中

休息中

今日同老公去左間銅鑼灣靚靚打卡餐廳，餐廳位於30樓連天台，而天台亦有好多打卡位。可惜今晚打風，頂樓無開放，只可看看銅鑼灣夜景同海景。雖然天台無開放，但室內都有多個打卡位，每個角落都幾grand幾靚。餐牌同樣講究，感覺華麗。老公發辦，叫左個前菜，兩款主菜同飲品。半殼紐西蘭新鮮青口 (配多士)：青口新鮮，帶鮮味，用白酒煮味道較香，配埋多士食又幾夾。澳洲M3和牛肉眼：肉眼扒雖然比較薄身，但口感一啲都唔差，肉紅紅，牛味濃，唔韌，點埋牛扒醬都幾好食。脆皮豬手配阿根廷奇米丘里青醬：豬手份量十足，上碟時以切開一舊舊，皮炸得香脆，豬手肥瘦均勻，點埋青醬一齊食，味道幾特別。1千零1夜：signature cocktail之一，打卡之選，見到一千零一夜阿拉丁神燈，感覺去左童話世界。職員送上時會為佢點火，好夢幻，火熄左後神燈會出煙。cocktail有sake酒味，另外配上熱情果汁同伯爵紅茶，味道甜甜地，易入口，幾啱女仔飲。Yuzu Party：cocktail用左vodka、柚子同小紅莓汁等調制，帶甜味，酒味慢慢渾發，老公話都幾好。