一瀧 (已結業)

朋友帶我來食一間江戶前主題既日本餐廳，餐廳入口已經係打卡位，裝修好別緻，古鎮小巷，令人回到日本江戶前時代。除左榻榻米坐位，餐廳仲有2位日本福岡既廚師，係bar枱睇佢地整食物，絕對是一種享受。料理長刺身盛2人前：擺到藝術品一樣，先令人享受視覺享受，再品嘗新鮮刺身，感覺好幸福。牡丹蝦，帆立貝，深海池魚，赤身，金目鯛，樣樣新鮮。料理長時令壽司：海膽，三文魚子，吞拿魚蓉再加上金箔，魚子醬，放在金匙羹，擺盤相當精緻亦好矜貴。雞翼一夜干：雞翼脂肪少，肉質結實，外皮燒得香脆，而且有微微焦香。A4和牛宮崎壽喜燒+棉花糖：壽喜燒係必食之選，一定要加錢加埋棉花糖，除吸晴打卡外，仲可以令湯底更加甜。宮崎既和牛，質素好高，牛肉脂肪比例均勻，入口軟滑，充分既牛味，令人回味無窮。