走過十萬八千里找到你

营业中

休息中

約咗一個好耐冇見嘅朋友喺旺角食飯，佢推薦我嚟呢一間餐廳食飯，話好有特色，而且食物味道都唔錯，於是就來試一試。一嚟到已經見到佢嘅裝修非常之華麗，天花板掛滿咗好多乾花，遠睇真係覺得好靚。但係行近就會發現，其實佢啲花都好少清潔，而且都擺咗一段時間，所以上面都鋪晒塵，而且都有啲枯左。今次我就叫咗個明太子貓耳朵同埋鮮奶抹茶，味道整體上都不過不失，都係嗰啲白汁味，最特別嘅就係貓耳朵佢嘅質感，雖然同通粉有啲似，但係佢就比較彈牙，同埋形狀比較特別，所以都幾有特色。而佢嘅鮮奶抹茶，拉花拉得好靚，味道方面就都算濃厚，可以一試。