Bifteck (已結業)

成日都會去QRE, 次次搭電梯都會留意牆上的餐廳指南，今都會望住Bifteck 個牌，睇落似好貴好高級，但今日食完之後改觀。用餐環境寬敞，有情調之餘又唔會黑蚊蚊。價格方面，同一般扒房相約，前菜同湯百零蚊咗右，甜品唔過100, 而主菜主要係燒烤為主，呢個豐儉由人，睇下想食邊款肉。想食澱粉質都有意大利粉同意大利飯可以選擇，都係百零2百左右。炭烤八爪魚 - 八爪魚食落有少少炭烤味，軟硬適中，是基本要求。厚身嘅醬汁最有驚喜是帶淡淡咖喱味，唔辣又帶香料味，同炭烤八爪魚好夾。澳洲和牛 M9 牛肋骨 - 五成熟，煮得啱啱好。正常水準。烏龍茶提拉米蘇 - 呢個超特別，第一次食茶味的Tiramisu, 食得出濃濃的茶味，而且茶同芝士的配合好好，甜味的平衡做得好好。