鮨廷 (已結業)

今次去咗呢一間位於尖沙咀金馬倫道嘅一間壽司店叫做鮨廷， 咁就帶埋一個朋友去食啦 ，間舖頭環境都幾骨子，細細間 ，大約可以坐八至十人左右，所以如果諗住夜晚去食嘅話就真係要趁早去攞位排隊啦， 佢會有一個女經理喺度負責安排座位，都幾好態度嘅。 圍住餐枱就係有兩個師傅企喺度整手握壽司， 甘坐低就寫想食啲乜嘢，然後放低張單喺枱面，師傅就會攞走你張單，然之後即刻製造， 質素ok， 勝在有一種新鮮即製嘅感覺， 除咗唔同嘅壽司刺身之外，佢亦都會有今期推介最鮮嘅海產等等俾大家。